బిగ్ బాస్4: ఎపిసోడ్ 26- కుమార్‌ సాయి కెప్టెన్‌.. మెహబూబ్‌ బకరా

తెలుగు బిగ్‌ బాస్‌ లో ఈ వారం ఇంటి సభ్యులకు కాయిన్స్‌ టాస్క్‌ ఇచ్చిన విషయం తెల్సిందే. దాదాపు మూడు రోజుల పాటు సాగిన ఈ టాస్క్‌ రసకవత్తరంగా సాగింది. గత వారం ఉక్కు హృదయం టాస్క్‌ మాదిరిగానే ఒకరిపై ఒకరు ఎత్తుకు పై ఎత్తు అన్నట్లుగా ఆట సాగింది. ముఖ్యంగా సోహెల్‌.. మెహబూబ్‌ మరియు అఖిల్‌ లు యుద్ద వీరుల మాదిరిగా టాస్క్‌ లో పాల్గొన్నారు. మొహమాటం లేకుండా ఇతరుల కాయిన్స్‌ దొంగిలించడం లో వీరు కనబర్చిన ప్రతిభ అందరికి ఆశ్చర్యం వేసింది. కాయిన్స్‌ అత్యధికంగా ఈ ముగ్గురి వద్ద ఉన్నాయి. ఫైనల్‌ రౌండ్‌ కు వచ్చేప్పటి వరకు ఈ ముగ్గురు కూడా గేమ్‌ లో లేకుండా పోయాయి.

అఖిల్‌ మరియు సోహెల్‌ లు తమ వద్ద ఉన్న కాయిన్స్‌ పూర్తిగా మెహబూబ్‌ కు ఇచ్చేశారు. దాంతో మెహబూబ్‌ వద్ద పది వేలకు పైగా పాయింట్లు వచ్చాయి. టాప్‌ లో ఉన్న మెహబూబ్‌ కాయిన్స్‌ ను సుజాత తన వద్ద ఉన్న స్విచ్‌ కాయిన్‌ ద్వారా తీసేసుకుంది. అఖిల్‌ మరియు సోహెల్ లు వారి కాయిన్స్‌ వారి వద్దే ఉంచుకుంటే వారిద్దరు లేదా వారితో పాటు మెహబూబ్‌ కూడా ఫైనల్‌ గేమ్‌ లో ఉండే వారు. వారి వద్ద ఏమీ లేకపోగా మెహబూబ్‌ వద్ద ఉన్న పది వేల పాయింట్స్‌ ను సుజాత తీసుకోవడంతో ఆ ముగ్గురు కూడా బకరాలు అయ్యారు. మెహబూబ్‌ కు ఆ స్విచ్‌ కాయిన్‌ మొదట లభించింది. కాని అతడు దాన్నిని పడేశాడు. చివరకు అదే అతడి పాలిట శాపంగా మారింది.

బురదలో కాయిన్స్‌ వెదికే చివరి టాస్క్‌ కు టాప్‌ 4 మంది ఎంపిక అయ్యారు. అత్యధికంగా కాయిన్స్‌ ఉన్న సుజాత ఆ తర్వాత హారిక.. కుమార్‌ సాయి మరియు అమ్మ రాజశేఖర్‌ లు చివరి రౌండ్‌ టాస్క్‌ ఆడారు. ఆ నలుగురిలో కుమార్‌ సాయి ఎక్కువ కాయిన్స్‌ ను తీయడంతో అతడు విజేతగా నిలిచాడు. దాంతో తదుపరి కెప్టెన్‌ గా కుమార్‌ సాయి నియమించబడ్డాడు. కుమార్‌ సాయి వచ్చినప్పటి నుండి ఎలిమినేషన్‌ కు నామినేట్‌ అవుతూనే ఉన్నాడు. ఈ వారంలో కూడా అతడు నామినేషన్‌ లో ఉన్నాడు. ఈ వారం సేవ్‌ అయితే వచ్చే వారంలో అతడు నామినేషన్ లో ఉండడు. నిన్నటి ఎపిసోడ్‌ లో మరోసారి సోహెల్‌ మరియు అమ్మ రాజశేఖర్‌ ల మద్య గొడవ జరిగింది. అంతకు ముందు వచ్చి అమ్మ రాజశేఖర్‌ కాళ్లు పట్టుకుని క్షమాపణ చెప్పాడు. ఆ తర్వాత మళ్లీ గొడవ. ఇక జబర్దస్త్‌ అవినాష్‌ కాళు గాయంకు కట్టు కట్టారు. అతడు నడవడానికి ఇబ్బంది పడుతున్నారు.