సౌత్ ఇండియన్ లేడీ సూపర్ స్టార్ అనుష్క ప్రధాన పాత్రలో నటించిన సినిమా ‘నిశ్శబ్దం’. తెలుగు, తమిళ్, హిందీ మరియు ఇంగ్లీష్ భాషల్లో రూపొందించిన ఈ సినిమా థియేటర్ రిలీజ్ కి ఆలస్యం అవుతుండడంతో ఓటిటి ప్లాట్ ఫామ్ అమెజాన్ ప్రైమ్ ద్వారా రిలీజయ్యింది. మరి పాన్ వరల్డ్ సినిమాగా చేసిన ఈ సినిమా ఎంతవరకు మెప్పించిందో చూద్దాం..
కథ:
సాక్షి(అనుష్క) చెవిటి, మూగ అయిన ఒక పెయింటర్ అండ్ ఆంథోనీ(మాధవన్) ఓ ఫేమస్ మ్యుజిషియన్. ఇద్దరికీ ఎంగేజ్మెంట్ అవుతుంది.. ఆ తర్వాత ఇద్దరు కలిసి ఒక చిన్న ట్రిప్ కి వెళ్తారు. అందులో భాగంగా 1972లో హాంటెడ్ హౌస్ గా మూసి వేసిన వుడ్ సైడ్ విల్లాలో ఉన్న సాక్షికి కావాల్సిన ఓ పెయింటింగ్ ఉందని ఆంథోనీ సాక్షిని అక్కడికి తీసుకువెళ్తాడు. ఆ హాంటెడ్ హౌస్ లో ఆంథోనీ అనుమానాస్పదంగా చంపబడతాడు. అందరూ ఆ హాంటెడ్ హౌస్ లో ఉన్న జోసెఫిన్ వుడ్ ఆత్మే చంపింది అనుకుంటారు. కానీ ఆ కేసు టేకప్ చేసిన క్రైమ్ డిటెక్టివ్ మహా(అంజలి) అందులోని కొత్త లూప్ హొల్స్ ని కనుక్కోవడం మొదలు పెడుతుంది. అలా మొదలు పెట్టిన ఇన్వెస్టిగేషన్ లో తెలిసిన నిజానిజాలు ఏమిటి? చాలా రోజులుగా సియాటెల్ లో కనిపించకుండా పోతున్న అమ్మాయిలకి ఆంథోనీ కేసుకు ఏమన్నా సంబంధం ఉందా? అనేదే కథ.
తెర మీద స్టార్స్..
తెరపై కనిపించిన అందరు నటీనటులు అద్భుతంగా నటించారని చెప్పాలి. అందుకే సినిమా సాగదీసినట్లున్న ఉన్నా కొంత వరకు చూడగలం. ఇక నటీనటుల విషయానికి వస్తే.. అనుష్క మరోసారి తన అభినయంతో మరోసారి సూపర్ స్టార్ అనిపించుకుంది. మ్యూట్ ఆర్టిస్ట్ గా తన నటన అందరినీ ఆకట్టుకుంటుంది. ఇక కీలక పాత్రలో కనిపించిన మాధవన్ రెండు డిఫరెంట్ షేడ్స్ లో చాలా బాగా చేసాడు. మైఖేల్ మాడ్సన్, అంజలి లు క్రైమ్ డిటెక్టివ్ ఆఫీసర్స్ గా తమ వంతు పాత్ర పర్ఫెక్ట్ గా చేశారు. షాలిని పాండే, సుబ్బరాజు, అవసరాల శ్రీనివాస్ వారి వారి పాత్రలకి పర్ఫెక్ట్ గా సెట్ అయ్యారు.
తెర వెనుక టాలెంట్..
కథ పరంగా చూసుకుంటే అనుష్క చేసిన మ్యూట్ ఆర్టిస్ట్ పాత్ర తప్ప కొత్తగా ఏమీ అనిపించదు. ఒక క్రైమ్ థ్రిల్లర్ కథకి కావాల్సినట్టే ఒక నలుగురు సస్పెక్ట్స్, ఫైనల్ గా ఇంకో యాంగిల్ లో ట్విస్ట్ ని రివీల్ చెయ్యడం ఇవన్నీ కామన్ గా ఉన్నాయి. ఇక కథనం విషయానికి వస్తే.. కోన వెంకట్ అటు ఇటు కథని మలుపులు తిప్పాలని ట్రై చేసాడు.. కానీ అన్నీ క్లియర్ గా ముందే తెలిసిపోతుండడం వలన ఒక్క ట్విస్ట్ కూడా పెద్దగా కిక్ ఇవ్వదు. ఇక డైరెక్టర్ గా హేమంత్ మధుకర్ నటీనటుల నుంచి నటనని రాబట్టుకోవడంలో బెస్ట్ అనిపించుకున్నాడు, కానీ చూసే ఆడియన్స్ కి కథని ఎంగేజ్ చేయడంలో మాత్రం నిశ్శబ్దాన్ని పాటించాడని చెప్పాలి.
శనియిల్ డియో సినిమాటోగ్రఫీ ఓ హాలీవుడ్ ఫిలిం చూసిన ఫీల్ ని ఇస్తుంది. గోపి సుందర్ బ్యాక్ గ్రౌండ్ స్కోర్ కూడా బాగుంది, కానీ కథలో మ్యాటర్ లేకపోవడం వలన వృధా అయిపొయింది. ప్రవీణ్ పూడి ఎడిటింగ్ కూడా థ్రిల్లర్ కి తగ్గట్టు ఇంకాస్త స్పీడ్ గా ఉంటే బాగుండేది. ప్రొడక్షన్ వాల్యూస్ రిచ్ గా అనిపిస్తాయి.
విజిల్ మోమెంట్స్:
– అనుష్క క్యారక్టరైజేషన్ అండ్ పెర్ఫార్మన్స్
– సపోర్టింగ్ యాక్టర్స్ పెర్ఫార్మన్స్
– సినిమాటోగ్రఫీ అండ్ బ్యాక్ గ్రౌండ్ మ్యూజిక్
బోరింగ్ మోమెంట్స్:
– కథ
– థ్రిల్లింగ్ గా లేని కథనం
– హుక్ చేయలేకపోయిన డైరెక్షన్
– ఓపెనింగ్ సీన్ కి సినిమాకి సంబంధం లేకపోవడం
– 125 నిమిషాలైనా చాలా సాగదీయడం
– వెరీ బాడ్ క్లైమాక్స్
విశ్లేషణ:
‘నిశ్శబ్దం’ ఓ థ్రిల్లర్ సినిమా.. ఓపెనింగ్ హార్రర్ థ్రిల్లర్లా ఓపెన్ చేసి, ఆడియన్స్ కి ఎదో చూపించబోతున్నాం అని ఫీల్ జెనరేట్ చేసి అక్కడి నుంచి ఎంత డల్ గా చెప్పాచ్చో అంత డల్ గా చెప్పిన సినిమా ‘నిశ్శబ్దం’. ఈ మధ్య తెలుగు సీరియల్స్ ఈ థ్రిల్లర్ కన్నా ఆసక్తిగా ఉన్నాయి అంటే ఆశ్చర్యపోనక్కర్లేదు. అనుష్క అనే ఒక్క టాగ్ వల్ల ఈ సినిమా ఆడియన్స్ కి అట్రాక్షన్ ని కలిగిస్తుంది, కానీ చూసాక అనుష్క నటన బాగున్నా ఎందుకు ఇలాంటి వీక్ కంటెంట్ ఉన్న సినిమాని సెలక్ట్ చేసుకుందనిపిస్తుంది. అయినా ఇలాంటి కథలు ఇప్పటికే చేసేసింది కదా అనే ఫీలింగ్ వస్తుంది. ఫైనల్ గా తెలుగు నుంచి ఓటిటిలో రిలీజైన మరో బోరింగ్ మూవీ ‘నిశ్శబ్దం’.
చూడాలా? వద్దా?: నిశ్శబ్దంగా స్కిప్ చేసేయచ్చు.!
తెలుగుబులెటిన్.కామ్ రేటింగ్ : 2/5
897283 362704Aw, it was a very excellent post. In notion I would like to devote writing such as this furthermore,?C spending time and specific function to produce an excellent article?- nonetheless so what can I say?- I waste time alot and never at all seem to obtain 1 thing completed. 715757
152466 497744Youre so cool! I dont suppose Ive learn something like this before. So nice to search out any person with some distinctive thoughts on this topic. realy thank you for starting this up. this internet website is 1 thing thats necessary on the net, someone with a bit of originality. helpful job for bringing something new to the internet! 497524
905463 998859Good web site, good and effortless on the eyes and excellent content material too. Do you need to have a lot of drafts to make a post? 375847
676682 404435woah i like yur internet site. It truly helped me with the information i wus seeking for. Appcriciate it, will bookmark. 700047