దేశవ్యాప్తంగా తీవ్ర కలకలం సృష్టించిన బాబ్రీ మసీదు కూల్చివేత తీర్పులో బీజేపీ కురువృద్దులకు భారీ ఊరట లభించింది. అభియోగాలు ఎదుర్కొంటున్నవారంతా నిర్దోషులేనని సీబీఐ కోర్టు కీలక తీర్పు వెలువరించింది. బీజేపీ సీనియర్ నేత అద్వానీ సహా 32 మందిని నిర్దోషులుగా ప్రకటించింది. పథకం ప్రకారమే బాబ్రీ మసీదును కూల్చివేశారనడానికి ఎలాంటి ఆధారాలూ లేవని కోర్టు అభిప్రాయపడింది. ఈ విషయంలో సీబీఐ సమర్పించిన ఆధారాలు సరిగా లేవని పేర్కొంది.
1992 డిసెంబర్ 6న బాబ్రీ మసీదును కూల్చివేశారు. బీజేపీ సీనియర్ నేతలు అద్వానీ, మురళీ మనోహర్ జోషి, ఉమాభారతి తదితరులు రెచ్చగొట్టడం వల్లే కరసేవకులు మసీదు కూల్చివేశారని సీబీఐ అభియోగాలు నమోదు చేసింది. మొత్తం 49 మందిని నిందితులుగా చేసింది. కేసు విచారణలో ఉండగానే 17 మంది మరణించారు. ఈ నేపథ్యంలో ఏకంగా 28 ఏళ్లపాటు విచారణ జరిగింది.
పథకం ప్రకారమే బీజేపీ నేతలు ఈ కుట్రకు పాల్పడ్డారని సీబీఐ వాదించగా.. రాజకీయ ప్రతీచర్యలో భాగంగానే అప్పటి కాంగ్రెస్ ప్రభుత్వం తమను ఈ కేసులో ఇరికించిందని బీజేపీ నేతలు ఆరోపించారు. తాము నేరం చేశామనడానికి ఎలాంటి ఆధారాలు లేవని పేర్కొన్నారు. విచారణలో భాగంగా 351 మంది సాక్షులను విచారించారు. ఈ కేసు విచారణను సెప్టెంబర్ 30 నాటికి పూర్తిచేసి తీర్పు వెలువరించాలని ఇటీవల సుప్రీంకోర్టు ఆదేశించిన నేపథ్యంలో సీబీఐ కోర్టు ప్రత్యేక న్యాయమూర్తి సురేంద్ర యాదవ్ బుధవారం తీర్పు వెలువరించారు.
తీర్పు సమయంలో 32 మంది నిందితులూ కోర్టులో హాజరుకావాలని ఈనెల 16న సీబీఐ కోర్టు న్యాయమూర్తి ఆదేశించారు. అయితే, వయోభారం కారణంగా అద్వానీ, మురళీ మనోహర్ జోషి కోర్టుకు రాలేదు. ఉమాభారతి, కల్యాణ్ సింగ్ లు కరోనాకు చికిత్స పొందుతున్నారు. వీరందరూ తీర్పు సమయంలో వీడియో కాన్ఫరెన్స్ ద్వారా హాజరయ్యారు. నిందితులంతా నిర్దోషులేనంటూ తీర్పు రావడంతో బీజేపీలో ఆనందోత్సాహాలు వెల్లువెత్తుతున్నాయి. మరోవైపు న్యాయమూర్తి సురేంద్ర యాదవ్ కు భద్రత పెంచారు.
533933 909925Sewing Machines […]any time to read or go towards the content material or maybe internet sites we certainly have associated with[…] 202630
907812 22584Watch the strategies presented continue reading to discover and just listen how to carry out this remarkable like you organize your company at the moment. educational 589576
2929 450393Hello Guru, what entice you to post an write-up. This post was extremely intriguing, particularly since I was looking for thoughts on this topic last Thursday. 587396