బ్యాంకు దోచేయడం.. ఏటీఎం ఎత్తుకెళ్లడం.. ఇవన్నీ కాదు.. కాస్త కొత్తగా ఆలోచించి జనానికి టోపీ పెడదాం అని భావించిన ముగ్గురు యువకులు కటకటాల పాలయ్యారు. ఏకంగా స్టేట్ బ్యాంకు ఆఫ్ ఇండియా పేరుతో కొత్త బ్రాంచ్ తెరిచారు. ఆ సెటప్ చూసి బ్యాంకు అధికారులే విస్తుపోయారు. తమిళనాడుకి చెందిన కమల్ బాబు నిరుద్యోగి. అతడి తల్లిదండ్రులు ఇద్దరూ బ్యాంకు ఉద్యోగులే. తండ్రి పదేళ్ల క్రితం చనిపోగా.. తల్లి ఇటీవలే ఉద్యోగ విరమణ చేశారు.
కమల్ బాబుకు ఎక్కడా ఉద్యోగం లేకపోవడంతో అక్రమ మార్గంలో డబ్బు సంపాదించాలని పథకం వేశాడు. బ్యాంకు దోయడం, ఏటీఎంలను బద్దలు కొట్టడం వంటివి కాకుండా ఓ బ్యాంకునే ఏర్పాటు చేస్తే ఎలా ఉంటుందా అని ఆలోచించాడు. ఇందుకోసం మరో ఇద్దరిని కలుపుకున్నాడు. వారిలో ఒకరికి ప్రింటింగ్ ప్రెస్ ఉండగా.. మరొకరు రబ్బరు స్టాంపుల తయారీదారు. ఇంకేం టీం సరిగ్గా సరిపోయింది. బ్యాంకుకు కావాల్సిన చలాన్లు, రశీదులు, అవసరమైన ఫారంలను ప్రింటింగ్ ప్రెస్ లో ముద్రించారు. అలాగే బ్యాంకు పేరుతో రబ్బరు స్టాంపులు కూడా సిద్ధం చేసుకున్నారు.
పన్రుతిలో మంచి సెంటర్ చూసి బ్యాంకుకు అవసరమైన షాపును అద్దెకు తీసుకున్నారు. ఎస్ బీఐ కొత్త బ్రాంచ్ ప్రారంభిస్తున్నట్టు చెప్పి మొత్తం పనులు చేయించారు. క్యాష్ కౌంటర్, సింగిల్ విండో కౌంటర్లు, మేనేజర్ ఛాంబర్ వంటివి పక్కాగా ఏర్పాటు చేశారు. మామూలుగా చేస్తే అది నిజంగా ఎస్ బీఐ బ్రాంచ్ అనిపించే తీర్చిదిద్దారు. అన్నీ సెట్ అయ్యాయి.. ఇక పని మొదలుపెడదాం అనేలోపల వారిని దురదృష్టం వెంటాడింది. ఆ ప్రాంతానికి చెందిన ఎస్ బీఐ వినియోగదారుడు ఈ కొత్త బ్రాంచ్ ను చూశాడు. తన ఖాతాను అక్కడకు బదిలీ చేసుకుందామనే ఉద్దేశంతో ఎంక్వైరీ చేయగా.. కాస్త అనుమానం వచ్చింది.
దీంతో ఈ విషయాన్ని తన బ్యాంకు మేనేజర్ కు తెలియజేశాడు. ఆయన జోనల్ ఆఫీసుకు చెప్పడంతో వారు ఆశ్చర్యపోయారు. పన్రుతిలో రెండు శాఖలు మాత్రమే ఉన్నాయని.. కొత్తగా ఎక్కడా బ్రాంచి ప్రారంభించలేదని స్పష్టంచేశారు. వెంటనే అక్కడకు వెళ్లి ఆ బ్రాంచిని చూసి నోరెళ్లబెట్టారు. నిజంగా తమ బ్రాంచే అనిపించేలా చేసిన ఏర్పాట్లను చూసి నివ్వెరపోయారు. వెంటనే పోలీసులకు ఫిర్యాదు చేయడంతో అసలు విషయం బయటపడింది. దీంతో కమల్ బాబును, మిగిలిన ఇద్దరు నిందితులను అరెస్టు చేసి రిమాండ్ కు తరలించారు.
398603 579626This was an incredible post. Genuinely loved studying your internet site post. Your data was quite informative and valuable. I believe you will proceed posting and updating frequently. Searching forward to your subsequent one. 805523
867107 421198so considerably good information on here, : D. 499260
348955 603267Hi, Neat post. Theres a issue together with your web site in internet explorer, would test this IE nonetheless is the market leader and a big portion of people will miss your wonderful writing because of this difficulty. 681087
987163 98757I just now discovered your blog post and now Im remember to start with followers. 911771