లాక్‌డౌన్‌ ఆత్మహత్యల లెక్కెంత?

కరోనా వైరస్‌ కారణంగా దేశంలో మృతి చెందినవారి సంఖ్య 3 వేలు దాటింది. మరోపక్క, లాక్‌డౌన్‌ కారణంగా ప్రాణాలు కోల్పోతున్నవారి సంఖ్య కూడా క్రమక్రమంగా పెరిగిపోతోంది. రోడ్డు ప్రమాదాలు, ఆకలి చావులు.. ఇలా ఎక్కడ చూపినా ఇదే పరిస్థితి. తాజాగా తమిళనాడులో లాక్‌డౌన్‌ కారణంగా ఆర్థిక ఇబ్బందుల్ని తాళలేక ఓ వ్యక్తి, తన కుటుంబంతో సహా ఆత్మహత్య చేసుకున్న ఘటన దేశవ్యాప్తంగా ప్రకంపనలు సృష్టిస్తోంది. రోడ్డు మీద ప్రసవ వేదనతో మృతి చెందుతున్నవారి సంఖ్య.. తీవ్ర అనారోగ్యంతో ఆసుపత్రులకు వెళ్ళలేక ప్రాణాలు కోల్పోతున్నవారి సంఖ్య.. ఇవన్నీ లెక్కల్లోకి తీసుకుంటే అది భయానకంగానే వుంటుంది. ‘దేశంలో కరోనా వైరస్‌తో చచ్చిపోయేవారికంటే వంద రెట్లు ఆకలి చావులతో చచ్చిపోతారి సంఖ్య వుంటుంది’ అని ఇప్పటికే పలు సర్వేలు తేల్చాయి. అదిప్పుడు నిజమవుతోంది. కేంద్రం ప్రకటించిన 20 లక్షల కోట్ల రూపాయల ప్యాకేజీ.. ఈ లాక్‌డౌన్‌ చావుల్ని ఆపలేకపోతుండడం దురదృష్టకరం.