‘లాక్డౌన్’తో కరోనా వైరస్ని దేశం నుంచి తరిమేద్దామంటూ గొప్ప గొప్ప ‘పలుకులు’ పలికిన పాలకులు ఇప్పుడు చేతులెత్తేశారు. ‘కరోనా వైరస్తో కలిసి జీవించడం అలవాటు చేసుకోవాలి..’ అంటూ సన్నాయి నొక్కులు నొక్కుతున్నారు. అది కరీనా కపూర్ కాదు సామీ.. కరోనా వైరస్.. ప్రమాదకరమైన వైరస్తో సహజీవనమేంటి.? అంటూ జనం నెత్తీ నోరూ బాదుకుంటున్నా.. తప్పదు, సహజీవనం చేయాల్సిందేనని ప్రభుత్వ పెద్దలు తెగేసి చెబుతున్నారు.
ఏం చేస్తాం, పాలకులు ఎలా చెబితే అలా చేయాల్సిందే. ఇంతకీ, భవిష్యత్ ఎలా వుండబోతోంది.? కరోనా వైరస్తో సహజీవనం చేయడం ఎలా.? అసలంటూ కరోనా వైరస్కి వ్యాక్సిన్ వచ్చే అవకాశాలే లేవంటూ పరిశోధకులు తేల్చి చెబుతున్న వేళ, కరోనా వైరస్ని భరించడమెలాగో అర్థం కావడంలేదు సామాన్యులకి. మాస్క్ని మన జీవితంలో ఓ భాగం చేసుకోవాలి ఇకపై.. కానీ, ఇదొక్కటే కరోనా వైరస్ని దూరంగా వుంచుతుందా.? అంటే సమాధానం దొరకని పరిస్థితి.
శానిటైజర్లు వాడాలి.. ఫిజికల్ డిస్టెన్స్ పాటించాలి. అవన్నీ జరిగే పనులేనా.? అనడగొద్దు. పాలకులు చెబుతున్నారు.. మనం పాటించాల్సిందే. దేనికీ గ్యారంటీ లేదు.. కానీ, అన్నీ పాటించాలి.. ఇదే మరి ‘ఖర్మ’ అంటే. కట్టుదిట్టంగా లాక్డౌన్ అమలు చేస్తేనే, ఇప్పుడు కరోనా వైరస్ కేసుల సంఖ్య 82 వేలకు చేరుకుంది. లాక్డౌన్లో మరిన్ని సడలింపులు ఇచ్చేశాక.. అది ఎన్ని లక్షలకు చేరుకుంటుందో, ఎన్ని వేల మరణాలు చోటు చేసుకుంటాయో చెప్పలేని పరిస్థితి.
ప్రపంచ దేశాలకు పాఠాలు చెప్పే స్థాయికి ఎదిగామంటూ కేంద్రం చెబుతున్న గొప్పలకీ.. దేశంలో పరిస్థితులకీ స్పష్టమైన తేడా వుంది. ప్రపంచ దేశాలతో పోల్చితే, బారతదేశంలోనూ ఆర్థిక వ్యవస్థ అనూహ్యమైన రీతిలో కుప్పకూలిపోయింది. అభివృద్ధి చెందుతున్న మన దేశం ఈ కరోనా వైరస్ నుంచి కోలుకోవడం అంటే అంత ఆషామాషీ వ్యవహారం కాదు. ఈ తరుణంలో ‘ఆత్మ నిర్భర భారత్ అభియాన్’ అంటూ 20 లక్షల కోట్ల ప్యాకేజీ ప్రకటించి, ‘కండిషన్స్ అప్లయ్’ అంటోంది కేంద్రం.
కేంద్రం తీరు అలా వుంటే, రాష్ట్రాలూ ఇందుకు భిన్నంగా ఏమీ వ్యవహరించడంలేదు. ఖజనా నింపుకోవడానికి మద్యం దుకాణాల్ని తెరిచారు.. మద్యం రేట్లు మాత్రమే కాదు.. అన్ని రేట్లూ పెంచుకుంటూ పోతున్నాయి ప్రభుత్వాలు. అసలే, రెండు నెలలుగా లాక్డౌన్ దెబ్బకి జేబులు ఖాళీ అయిపోయిన బడుగు జీవులు, ఈ పెరిగిన ధరలతో ‘చావే శరణ్యం’ అనే స్థితికి వచ్చేస్తున్నారు. సహజీవనం సంగతి దేవుడెరుగు.. అసలంటూ ప్రాణాలతో వుండాలి కదా.? అని ఆర్థిక సమస్యల్ని ఏకరువు పెడుతున్న దేశ ప్రజానీకానికి ఏం సమాధానమిస్తారు పాలకులు.?
625434 384158Hi my loved one! I wish to say that this post is wonderful, great written and come with almost all important infos. I would like to see more posts like this . 121059
590674 22464Precisely what I was searching for, thankyou for putting up. 721946
673729 705039This is how to get your foot in the door. 757693
614493 234024An attention-grabbing dialogue is value comment. Im positive that its much better to write on this topic, towards the often be a taboo topic but typically persons are not sufficient to speak on such topics. To yet another location. Cheers 511317