కరోనా నియంత్రణ కోసం విధించిన లాక్ డౌన్ ను క్రమంగా ఎత్తివేసే దిశగా పలు దేశాలు కసరత్తు చేస్తున్నాయి. ప్రస్తుతం మూడో దశ లాక్ డౌన్ లో ఉన్న భారతదేశం.. దానిని మరో విడత పొడిగించడానికే నిర్ణయించింది. అయితే, ఇప్పటికే కొన్ని వెసులుబాట్లు ప్రకటించిన కేంద్ర ప్రభుత్వం.. నాలుగో దశ లాక్ డౌన్ లో మరిన్ని సడలింపులు ఇచ్చే అవకాశం కనిపిస్తోంది. ఇప్పటికే రాష్ట్రాల అభిప్రాయాలు తీసుకున్న ప్రధాని మోదీ.. ఆ దిశగా కసరత్తు చేస్తున్నారు. ఈ నేపథ్యంలో మే 17 తర్వాత షాపింగ్ మాల్స్ కు కూడా సడలింపులు ఇవ్వాలని, సరి-బేసి విధానంలో ఆయా షాపులు తెరిచేందుకు అనుమతించాలని ఢిల్లీ సీఎం కేజ్రీవాల్ సూచించారు.
ప్రస్తుత పరిస్థితుల్లో ఇదో మంచి మార్గమని పేర్కొన్నారు. అసలు సరి-బేసి పద్ధతి మొదలైంది హస్తినలోనే. ఢిల్లీలో విపరీతంగా పెరిగిపోయిన ట్రాఫిక్ ను నిరోధించేందుకు ఈ విధానం తీసుకొచ్చారు. ఇది మంచి ఫలితాలే ఇచ్చింది. ప్రతి వాహనం నెంబర్ లో చివరి అంకెను బట్టి ఈ విధానం అమలు చేశారు. ఈ చివరి అంకె సరి సంఖ్య అయితే, ఆ వాహనం సరి సంఖ్య ఉన్న తేదీల్లోనే బయటకు రావాలి. అదే బేసి సంఖ్య అయితే, బేసి సంఖ్య తేదీలున్న రోజుల్లో రోడ్డెక్కాలి. ఇప్పుడు ఇదే తరహా విధానాన్ని షాపింగ్ మాల్స్ లోని దుకాణాలకు వర్తించాలని నిర్ణయించారు. ఆయా మాల్స్ లోని దుకాణాలకు నెంబర్లు కేటాయించి సరి-బేసి విధానంలో వాటిని తెరిచి ఉంచేలా చర్యలు తీసుకోవాలని భావిస్తున్నారు. వాస్తవానికి ఈ విధానాన్ని తెలంగాణలో ఇప్పటికే పాటిస్తున్నారు.
ఆరెంజ్ జోన్ ఉన్నమున్సిపాలిటీల్లో షాపులు తెరవడానికి ఈ పద్ధతే అవలంభిస్తున్నారు. దీనివల్ల పక్కపక్క షాపులు ఒకేసారి తెరిచి ఉండవు. ఫలితంగా భౌతికదూరం అమలవుతుంది. ఇక ఈ భౌతికదూరం అనే కాన్సెప్టు కొన్ని నెలలపాటు కొనసాగే అవకాశం కనిపిస్తోంది. కరోనాకు వ్యాక్సిన్ రానంత వరకు వ్యక్తిగత పరిశుభ్రత, మాస్కులు, భౌతికదూరం అనేవి ప్రతి ఒక్కరూ పాటించక తప్పదని తేల్చేశారు. ఈ నేపథ్యంలో అన్ని నెలలపాటు లాక్ డౌన్ కొనసాగించే పరిస్థితి లేనందున త్వరలోనే మరిన్ని సడలింపులు ఖాయంగా కనిపిస్తున్నాయి. స్కూళ్లు, పబ్ లు, రెస్టారెంట్లు, సెలూన్లు, స్పాలు, స్విమ్మింగ్ పూల్స్ వంటివి మినహా మిగిలిన అన్ని కార్యకలాపాలు కొత్త నిబంధనలు, ఆంక్షలతో ప్రారంభమయ్యే అవకాశాలున్నాయి.
ప్రజారవాణా సైతం భౌతికదూరం నిబంధనతో మొదలయ్యే పరిస్థితి కనిపిస్తోంది. మరో రెండు రోజుల్లో మూడో విడత లాక్ డౌన్ ముగిసి, నాలుగో దశ ప్రారంభం కానుంది. ఆలోగా కేంద్రం ఆయా అంశాల్లో స్పష్టత ఇవ్వనుంది.
84876 184823Its rare knowledgeable folks within this topic, nevertheless, you seem like theres a lot more youre talking about! Thanks 517214
285272 52060Hi my friend! I want to say that this post is awesome, good written and consist of almost all significant infos. Id like to see much more posts like this . 863309
973942 617132As I internet site possessor I believe the content material here is truly superb , appreciate it for your efforts. 948527
75085 89448Someone essentially lend a hand to make critically articles Id state. That may be the first time I frequented your site page and so far? I amazed with the research you made to create this actual post extraordinary. Amazing activity! 594996