క్రైమ్ న్యూస్: భార్యను కాపురానికి పంపడం లేదని అత్తని చంపేసిన అల్లుడు

భార్యను కాపురానికి పంపడం లేదని అత్తని చంపేసిన అల్లుడు

నెల్లూరు జిల్లాలో దారుణం జరిగింది. భార్య కాపురంకు రాకపోవడంకు కారణం అత్త అనే ఉద్దేశ్యంతో ఆమెను అల్లుడు కత్తితో నరికి చంపాడు. ఈ సంఘటన స్థానికంగా సంచలనం సృష్టించింది. ఏఎస్ పేట మండలం చౌట భీమవరం గ్రామానికి చెందిన పొలమ్మ కూతురు దొరసానమ్మ. పాతికేళ్ల క్రితం దొరసానమ్మకు తిరుపాల్ కు వివాహం అయ్యింది. పెళ్లి అయినప్పటి నుండి కూడా తాగి గొడవ చేస్తున్న కారణంగా తిరుపాల్ ను వదిలేసి దొరసానమ్మ అమ్మగారింటికి వెళ్ళిపోయింది.

ఏడు సంవత్సరాలుగా భార్య కాపురానికి రాకపోవడంతో తీవ్ర ఆగ్రహంతో ఉన్న తిరుపాల్ తాజాగా మరోసారి అత్తవారింటికి వెళ్ళాడు. అక్కడ భార్య మరియు అత్త పొలమ్మతో గొడవ పడ్డాడు. గొడవ తీవ్రం అవ్వడంతో సహనం కోల్పోయిన తిరుపాల్ అత్త పొలమ్మను కత్తితో నరికి చంపేశాడు. తల్లిని కళ్ళముందే చంపడంతో దొరసానమ్మ షాక్ అయ్యింది. పోలీసులు కేసు నమోదు చేసి విచారణ చేపట్టారు. తిరుపాల్ ను అరెస్ట్ చేసేందుకు వేడుకుంటున్నారు.

భర్తను చంపి మూడు రోజులు శవంతో గడిపిన భార్య

మతి స్థిమితం లేని భార్య తన భర్తను చంపి ఆ శవంతో మూడు రోజులపాటు అలాగే ఒంటరిగా ఉన్న సంఘటన నిజామాబాద్ జిల్లాలో సంచలనం రేపుతోంది. శకుంతల అనే మహిళకు ప్రతి రోజు మాదిరిగానే పాలవాడు పాలు పోసేందుకు వెళ్ళాడు. ఆ సమయంలో తన భర్త చనిపోయాడు. డెడ్ బాడీని తీసుకు పోవా అంటూ కోరింది. ఆమె మాటలకు భయపడిన పాలవాడు స్థానికులకు సమాచారం ఇచ్చాడు.

చుట్టుపక్కల వారు పోలీసులకు సమాచారం ఇవ్వడంతో రంగంలోకి దిగిన పోలీసులు శకుంతల ఇంటికి వెళ్లారు. అప్పటికి ఆమె తలుపు వేసుకుని ఉంది ఎంత పిలిచినా తలుపు తీయలేదు. దాంతో తలుపు బద్దలు కొట్టారు. తలుపు తెరచిన వెంటనే భర్త లింబా రెడ్డి మృతి చెంది కనిపించాడు. అతడి పక్కన రక్తపు మడుగులో ఆమె ఉంది. మతిస్థిమితం లేకనే శకుంతల చంపి ఉంటుందని పోలీసులు భావిస్తున్నారు. శకుంతల, లింబా రెడ్డి దంపతులకు ఇద్దరు పిల్లలు. కొడుకు హైదరాబాద్ లో ఉంటున్నాడు, కూతురు లండన్ లో ఉంటోంది.