విద్య, వైద్యం మాత్రమే కాదు.. భక్తి కూడా మార్కెట్లో మంచి డిమాండ్ వున్న వ్యవహారమే. అందుకే, భక్తుల్ని నిలువు దోపిడీ చేసేస్తున్నాయి ప్రభుత్వాలు. తిరుమల తిరుపతి దేవస్థానం.. అంటే, అది రాజకీయ నిరుద్యోగులకు పునరావాస కేంద్రం.. అనే వాదన ఎప్పటినుంచో వుంది. అందులో వాస్తవం లేకపోలేదు. అధికార పార్టీ, తమకు అత్యంత సన్నిహితులైనవారిని టీటీడీకి సంబంధించి కీలక పదవుల్లో నియమించడం చూస్తూనే వున్నాం. కేంద్ర మంత్రి పోస్ట్తో సమానంగా టీటీడీ ఛైర్మన్ పదవికి ‘గిరాకీ’ వుందంటే.. పరిస్థితి ఏంటో అర్థం చేసుకోవచ్చు.
అసలు విషయానికొస్తే, వెంకన్న ఆదాయం.. తప్పు తప్పు టీటీడీ ఆదాయం గణనీయంగా తగ్గిపోయింది కరోనా వైరస్ కారణంగా. దాంతో, ఉద్యోగులకు జీతాలు చెల్లించడం కష్టమయ్యే పరిస్థితి తలెత్తింది. ప్రభుత్వ ఉద్యోగులతో సమానంగా టీటీడీ ఉద్యోగులకూ వేతనాల కోత అమలవుతోంది. ఇది ‘కోత’ కాదు, ‘సర్దుబాటు’ అని ప్రభుత్వం చెబుతున్నా, జీతాల కోతతో ఉద్యోగులు విలవిల్లాడుతున్నారు.
టీటీడీ అంటే ఆషామాషీ వ్యవహారం కాదు. టన్నుల కొద్దీ బంగారం, వేల కోట్ల రూపాయల బ్యాంకు డిపాజిట్లు.. వెరసి పెద్ద కథే వుంది. మరి, అలాంటి టీటీడీ సుమారు 100 కోట్లు వెచ్చించి, ఉద్యోగులకు పూర్తిస్థాయిలో వేతనాలు ఇవ్వలేదా.? సగటు భక్తుడిలో మెదులుతున్న ప్రశ్న ఇది. ‘ప్రభుత్వ నిర్ణయం ప్రకారం తప్పడంలేదు..’ అని టీటీడీ బుకాయింపులు మామూలే.
వైఎస్ జగన్ ముఖ్యమంత్రి అయ్యాక, టీటీడీలో చాలా మార్పులొచ్చాయి. అద్దె గదుల రేట్లు పెరిగాయి.. లడ్డూ రేటు పెరగడం తెల్సిన విషయమే. టీటీడీ అంటే, భక్తులకి సౌకర్యాలు కల్పించడం కాదు, వీఐపీల సేవలో తరించేదేనన్న అభిప్రాయం రోజురోజుకీ బలపడిపోతున్న పరిస్థితుల్ని చూస్తున్నాం. భక్తులకు అవసరమైన మేర, తక్కువ ధరలో లడ్డూ ప్రసాదం అందించలేని ఆర్థిక సమస్యల్లో టీటీడీ వుందా.? అన్న భక్తుల ప్రశ్నకు టీటీడీ వద్ద సమాధానం దొరకదు.
మరి, వేల కోట్ల డిపాజిట్లతో ఏం చేస్తున్నట్లు.? ఏవేవో లెక్కలు టీటీడీ చెప్పడం మామూలే. సామాన్యుడికి ఓ పట్టాన అర్థం కావవి. టీటీడీ తరఫున అన్న ప్రసాదం వంటి కార్యక్రమాలు చేపడుతున్నా, వాటికి నిత్యం వచ్చే విరాళాలు తక్కువేమీ కాదు. ఎలా చూసినా, టీటీడీకి ఆర్థిక ఇబ్బందులన్నది వట్టిమాటే. కానీ, టీటీడీ ఉద్యోగుల జీతాల్లో కోత. ఇదే వైపరీత్యమంటే.
779272 104731youve gotten an critical weblog right here! would you wish to make some invite posts on my weblog? 568281