ఈ ఏడాది నాలుగు సినిమాలు ప్లాన్ చేస్తున్న యంగ్ హీరో

యంగ్ హీరో నితిన్ ఏడాదికి మూడు సినిమాలు చేయడం చాలా ఈజీ అనేస్తున్నాడు. ముందు జెనరేషన్ హీరోలు ఏడాదికి రెండు లేదా మూడు సినిమాలను కచ్చితంగా విడుదలయ్యే చూసుకునేవారు. ఎన్టీఆర్, ఏఎన్నార్, కృష్ణ లాంటి హీరోల గురించి చెప్పుకోవడం కూడా అనవసరం. కృష్ణ అయితే ఒక ఏడాదికి దాదాపు డజనున్నర సినిమాలు వదిలారు. ఆ రికార్డును ఎప్పటికీ ఎవరూ అందుకోలేరు. ఎన్టీఆర్ కూడా దాదాపు 17 సినిమాలను ఒక ఏడాది విడుదల చేసాడు. చిరంజీవి, ఏఎన్నార్, శోభన్ బాబు లాంటి హీరోలు ఏడాదికి 9 నుండి 14 సినిమాల వరకూ యావరేజ్ గా చేసేవారు.

కొన్నేళ్ల క్రితం కామెడీ హీరో అల్లరి నరేష్ కూడా ఏడాదికి ఆరు సినిమాలు వదిలి అందరినీ ఆశ్చర్యపరిచాడు. ఇక ఇప్పుడు బడా హీరోలనే కాదు మీడియం రేంజ్ హీరోలు కూడా తమ సినిమాల సంఖ్యను బాగా తగ్గించేశారు. ఒక ఏడాది నాలుగు సినిమాల వరకూ చేసిన నాని ఇప్పుడు ఏడాదికి రెండే సినిమాలు చేస్తున్నాడు. మిగతా యంగ్ హీరోల పరిస్థితి కూడా ఇంతే. రెండుకు మించట్లేదు. ఇక టాప్ హీరోలకు ఏడాదికి ఒక సినిమా చేయడమే గగనమైపోతోంది.

అయితే యంగ్ హీరో నితిన్ మాత్రం 2020లో మూడు కాదు ఏకంగా నాలుగు సినిమాలు చేస్తాను అంటున్నాడు. నితిన్ నటించిన భీష్మ ఈ ఏడాది విడుదల కాబోతోంది. అలాగే రంగ్ దే ను జులైలో మరో రెండు నెలల్లో చంద్రశేఖర్ యేలేటి చిత్రం చెక్ ను సెప్టెంబర్ లో విడుదల చేయాలని ప్రణాళిక వేసుకున్నాడు నితిన్. ఏడాదికి మూడు రిలీజ్ లు ఎలా అనిపిస్తోంది అంటే.. సరిగ్గా ప్లాన్ చేసుకుంటే అది చాలా ఈజీ, నేనింకా నాలుగో సినిమాను కూడా రిలీజ్ చెయ్యొచ్చని ప్లాన్ చేస్తున్నా అని చెప్పాడు. అంటే డిసెంబర్ కు నాలుగో సినిమా వచ్చేలా ప్రణాళిక వేసుకుంటున్నాడు.