జస్ట్ ఫర్ ఫన్ కాస్తా.. ఇప్పుడు ప్రాణాల మీదకు తెస్తోంది. రోజుకో కొత్త ఛాలెంజ్ ఇంటర్నెట్ని కుదిపేస్తోంది. ఎక్కడో ఎవడో ఓ పిచ్చోడు ఏదో చేస్తే, దాన్ని పట్టుకుని.. ప్రాణాలు తీసేసుకోవడం యువతకి అలవాటైపోయింది. ‘బ్లూ వేల్’ ఛాలెంజ్ అనీ, ఇంకోటనీ.. ప్రధానంగా యువత ప్రాణాల్ని తోడేస్తోన్న విషయం విదితమే. ఇలాంటి వెకిలి ఛాలెంజ్లు పుట్టుకొచ్చిన ప్రతిసారీ, ప్రభుత్వాలు అప్రమత్తమవుతున్నా.. అప్పటికే జరగాల్సిన నష్టం జరిగిపోతోంది.
తాజాగా ‘స్కల్ బ్రేకర్ ఛాలెంజ్’ అనే కొత్త మహమ్మారి.. ఇంటర్నెట్లో అత్యంత ప్రమాదకరంగా సంచరించేస్తోంది.. యువతీయువకుల మెదళ్ళను చితక్కొట్టేస్తోంది. మొత్తం ముగ్గురు వ్యక్తులుంటారు.. అందులో ఇద్దరు నిల్చుని తమ కాళ్ళను గాల్లోకి లేపుతారు.. అంటే జంప్ చేస్తారన్నమాట. మధ్యలో వున్నోడినీ జంప్ చేయమంటారు.. అలా మధ్యలో వున్న వ్యక్తి గాల్లోకి జంప్ చేయగానే, మిగిలిన ఇద్దరూ.. గాల్లోకి ఎగిరిన వ్యక్తి కాళ్ళను తమ కాళ్ళతో తోసేస్తారు.. అంతే కిందపడ్తాడు ఆ మూడో వ్యక్తి. తలకాయ నేరుగా నేలకి తాకుతుంది. ఇంకేముంది.? పుర్రె పగిలిపోతుంది.
దీన్ని ఛాలెంజ్ అని అనగలమా.? దీన్ని హత్యాయత్నంగా భావించాల్సి వుంటుంది. ఈ పైశాచిక ఆనందంపై ఇప్పటికే కొన్ని చోట్ల పోలీసు వ్యవస్థలు సీరియస్గా స్పందిస్తున్నాయి. కొన్ని వెబ్సైట్స్లో ఈ తరహా వీడియోలకు అడ్డుకట్ట కూడా పడుతోంది. దురదృస్టవశాత్తూ ఇలాంటి పైత్యాలకి మన ఇండియన్స్ ఎక్కువగా ప్రభావితమవుతుంటారు.
టిక్ టాక్ ద్వారా మొదలైన ఈ పైశాచిక ఆనందం.. మన దేశంలో ఇప్పటికే చాలా చోట్ల చాలామందిని దెబ్బతీసిందనే వార్తలు విన్పిస్తున్నాయి. అధికారికంగా ఇలాంటి ఘటనలు ఇంకా నమోదు కాలేదట. ఫన్ కోసం తగిన ఏర్పాట్లు చేసుకున్నా.. అమాంతం పై నుంచి కిందపడితే ప్రమాదమేనని వైద్య నిపుణులు స్కల్ బ్రేకర్ ఛాలెంజ్ గురించి హెచ్చరిస్తున్నారు. సరైన ఏర్పాట్లు చేసుకోకపోతే.. వెంటనే ప్రాణాలు కోల్పోయే అవకాశముందన్నది డాక్టర్ల హెచ్చరిక.
☠️DANGEROUS❌skull-breaker "Tik-Tok challenge" Please warn the extreme danger to kids & all parents 🙏 This is now trending in schools and many students got injured. @PoliceRajasthan @GujaratPolice @MumbaiPolice @DelhiPolice @AhmedabadPolice @Uppolice @navsekera #skullbreaker pic.twitter.com/bcQTGI6CV8
— Gautam Kumawat (@Gautamventure) February 17, 2020