Bhola Shankar: మెగాస్టార్ చిరంజీవి (Chiranjeevi) సినిమా వస్తోందంటేనే ఫ్యాన్స్ కి పండగ. తెలుగు రాష్ట్రాలే కాదు కర్ణాటక, యూఎస్ లో కూడా మెగా (Mega Star) మ్యానియా మోత మోగిపోవాల్సిందే. సినిమా విడుదల దగ్గరపడే కొద్దీ ఎన్ని ధియేటర్స్ లో రిలీజ్, ఎన్ని ఫ్యాన్స్ షోస్, ఎన్ని ప్రింట్స్ ఇవే లెక్కలు. అయితే.. ఈసారి భోళా శంకర్ (Bhola Shankar) కి లెక్కలు పెరుగుతున్నాయి. సినిమా విడుదల రెండు నెలలున్నా కూడా ఎన్ని ధియేటర్లలో ప్రీమియర్స్ వేయాలో ఓ అంచనాకు వచ్చేస్తున్నారు.
ఓవర్సీస్ లో భోళా శంకర్ ను 600 పైగా లొకేషన్లలో విడుదల చేసేందుకు సన్నాహాలు చేస్తున్నట్టు సమాచారం. సినిమాపై ఇప్పటికే అంచనాలు ఎక్కువగా ఉన్నాయి. వాల్తేరు వీరయ్య జోష్, భోళా శంకర్ ఫస్ట్ గ్లింప్స్, సాంగ్ లో బాస్ లుక్స్, పాట అంచనాలు పెంచుతున్నాయి. ఈనేపథ్యంలో భోళా శంకర్ కు ప్రమోషన్ భారీగా చేసి సినిమాను గ్రాండ్ లెవల్లో రిలీజ్ చేయాలనేది మేకర్స్ ప్లాన్. రెండు నెలల ముందే ఇంతటి ప్లానింగ్ చేస్తున్నారనే సమాచారంతో ఆనందంలో మునిపోతున్నారు మెగా ఫ్యాన్స్.