ప్రముఖ గాయని వాణి జయరాం మృతిపై అనుమానాలు!!

ప్రముఖ గాయని వాణి జయరాం ఈరోజు మధ్యాహ్నం మృతి చెందిన విషయం తెల్సిందే. ఆమె చెన్నైలో తన అపార్ట్మెంట్ లో నివసిస్తున్నారు. ఆమె వయసు 77 సంవత్సరాలు. వాణి జయరాం మృతి పట్ల ఇప్పుడు పలు అనుమానాలు వ్యక్తమవుతున్నాయి. పోలీసులు అందించిన సమాచారం ప్రకారం, వాణి జయరాం ఆమె ఇంట్లో ఒక్కరే ఉంటున్నారు. రోజూ పనిమనిషి వచ్చి వెళ్ళిపోతూ ఉంటుంది.

రోజూ లాగే ఈరోజు కూడా పని అమ్మాయి రాగా ఎన్ని సార్లు కాలింగ్ బెల్ కొట్టినా తీయకపోయేసరికి ఆమె బంధువులకు సమాచారమివ్వగా పోలీసులను పిలిచారు. పోలీసులు వచ్చి డోర్ పగలకొట్టి చూడగా ఆమె చనిపోయి ఉన్నారు. ముఖంపై దెబ్బ ఉన్నట్లు గుర్తించారు.

దీంతో వాణి జయరాం మృతి పట్ల పలు అనుమానాలు వ్యక్తమయ్యాయి. పోలీసులు కేసుని రిజిస్టర్ చేసి దర్యాప్తు మొదలుపెట్టారు.