మళ్ళీ పోటీ చేసేది ఎలా.? వైసీపీ మంత్రుల బిక్క మొహం.!

మీడియా ముందుకొచ్చి రాజకీయ ప్రత్యర్థుల్ని తూలనాడటంలో వైసీపీ నేతలు.. అందునా మంత్రులు చూపిస్తున్న అత్యుత్సాహం అంతా ఇంతా కాదు.!

‘పవన్ కళ్యాణ్‌కి రాష్ట్రంలోని 175 నియోజకవర్గాల పేర్లు అయినా తెలుసా.?’ అని ప్రశ్నిస్తారో మంత్రి.! అసలంటూ ఆ మంత్రిగారికి రాష్ట్ర రాజధాని పేరేంటో తెలుసా.? అని జనం కౌంటర్ ఎటాక్ ఇస్తున్నారాయె.! ఇదీ, రాష్ట్రంలో పరిస్థితి.

ఆంధ్రప్రదేశ్ రాష్ట్రానికి సంబంధించి మంత్రులందరిదీ ఒకటే శాఖ.. అదే పవన్ కళ్యాణ్‌ని తిట్టే శాఖ. గత మంత్రి వర్గం చేసింది అదే (వైఎస్ జగన్ పార్ట్ వన్ మంత్రి వర్గం).. ఇప్పుడున్న మంత్రి వర్గం చేస్తున్నది కూడా అదే.! చిత్రమేంటంటటే, మెజార్టీ మంత్రులు వచ్చే ఎన్నికల్లో గెలవడం సంగతి అటుంచితే.. సీట్లు దక్కించుకోవడానికీ నానా తంటాలూ పడుతున్నారట.

ఉత్తరాంధ్రకు సంబంధించిన ఓ యువ మంత్రి, గత కొంతకాలంగా పవన్ కళ్యాణ్ మీద తీవ్ర విమర్శలు చేస్తున్న సంగతి తెలిసిందే. కానీ, ఆయనగారికి వచ్చే ఎన్నికల్లో టిక్కెట్ దొరక్కపోవచ్చునట. ప్రస్తుతం ప్రాతినిథ్యం వహిస్తున్న చోట గెలిచే అవకాశం లేదనీ, వేరే చోట ట్రై చేసుకోమని అధినాయకత్వం నుంచి ఆయనగారికి సూచనలాంటి అల్టిమేటం జారీ అయ్యిందట.

ఓ మాజీ మంత్రి అప్పట్లో.. మంత్రిగా వుండి పవన్ కళ్యాణ్ మీద తీవ్ర వ్యాఖ్యలు చేశారుగానీ, అధినేత మెప్పు పొందలేకపోయారు.. మంత్రి పదవికి పొడిగింపుని పొందలేకపోయారు. ఆయనేమో వచ్చే ఎన్నికల్లో పోటీ చేయడం అనుమానమేనట. టిక్కెట్టు తనకు ఎలాగూ దక్కదని తెలిసి, తన కుమారుడ్ని ఆయన ముందుకు తెచ్చారట.

ఉత్తరాంధ్రకే చెందిన సీనియర్ మంత్రి పరిస్థితి కూడా అలాగే తయారయ్యింది. ఓ మహిళా మంత్రికి నోటు దురుసు ఎక్కువ. ఆమెకు సొంత నియోజకవర్గంలో వైసీపీ నుంచే ఎదురైతున్న కష్టాలు అన్నీ ఇన్నీ కావు. ఆమెకు టిక్కెట్టు ఇస్తే ఓడించి తీరతామని వైసీపీ నేతలే చెబుతున్నారు. దాంతో, ఆమెకీ టిక్కెట్టు కష్టమేనట.

చెప్పుకుంటూ పోతే కథ పెద్దదే.! పవన్ కళ్యాణ్‌ని తిట్టడం తర్వాత.. ముందైతే మీ టిక్కెట్లు మీకే వున్నాయో లేదో చూస్కోండంటూ ఆయా నేతలపై వారి వారి నియోజకవర్గాల్లోనే జనం సెటైర్లేస్తున్నారు.