అయోమయంలో గీత గోవిందం దర్శకుడు?

సోలో సినిమాతో మంచి హిట్ అందుకుని దర్శకుడిగా క్రేజ్ తెచ్చుకున్నాడు పరశురామ్. ఆ తరువాత చేసిన సినిమాలు వరుసగా ప్లాప్ అయినప్పటికీ ఫ్యామిలీ ఎమోషన్ చిత్రాలు బాగా చేయగలడు అన్న పేరు తెచ్చుకున్నాడు. ఈ నేపథ్యంలో రౌడీ హీరో విజయ్ దేవరకొండతో గీత గోవిందం సినిమా చేసి ఏకంగా సూపర్ డూపర్ హిట్ కొట్టడమే కాదు .. వందకోట్ల దర్శకుడిగా నిలబడ్డాడు.

గీత గోవిందం తరువాత ఈ దర్శకుడికి చాలా అవకాశాలు వచ్చాయి .. కానీ నేను ఫలానా హీరోలతోనే సినిమాలు చేస్తానని ఫిక్స్ అవ్వడంతో ఉన్న అవకాశాలు పోయాయి. పోనీ అప్పటికే తాను అనుకున్న మహేష్, అల్లు అర్జున్ లకు కథ చెప్పి ఒప్పించే ప్రయత్నాలు చేసాడు కానీ అది వర్కవుట్ కాలేదు. దాంతో ఆ హీరోలిద్దరు వేరే సినిమాలతో బిజీగా మారడంతో .. ఈ దర్శకుడి పరిస్థితి అయోమయంలో పడింది.

ఉన్నది పాయె .. ఉంచుకున్నది .. పాయె అన్న తరహాలో వచ్చిన అవకాశాలు, హీరోలు ఇప్పుడు ఎవరు లేరు .. పోనీ మహేష్, అల్లు అర్జున్ లకైనా కథ చెప్పి కమిట్మెంట్ తీసుకున్నాడా అంటే అది లేదు .. దాంతో వాళ్ళు వేరే సినిమాలతో బిజీ. ఇప్పుడు పరశురామ్ తక్షణ కర్తవ్యమ్ ఏమిటి ? అన్న సందిగ్ధంలో ఉన్నాడు. అందుకే తనకు వందకోట్ల సినిమా ఇచ్చిన రౌడీ హీరోనే మళ్ళీ నమ్ముకునే పరిస్థితి వచ్చింది. ఇప్పటికే విజయ్ దేవరకొండ తో ప్రయత్నాలు చేస్తున్నాడట. మరో సరి కలిసి సినిమా చేద్దామని.

ప్రస్తుతం డియర్ కామ్రేడ్ సినిమా విషయంలో బిజీగా ఉన్న విజయ్ మళ్ళీ పరశురామ్ కు ఛాన్స్ ఇస్తాడా ? ఎందుకంటే ఇప్పటికే విజయ్ తో సినిమా చేయడానికి పలువురు దర్శకులు క్యూలో ఉన్నారు మరి. విజయ్ తో చేస్తే గీత గోవిందం హిట్ ఉంది కాబట్టి ఆ ఇంపాక్ట్ తో ఈ సినిమా కూడా హిట్టు కొట్టొచ్చు అన్నది పరశురామ్ ప్లాన్. కానీ విజయ్ మాత్రం ఇప్పటికే విక్రమ్ కె కుమార్ తో సినిమాకు రెడీ అవుతున్నాడు. మరి పరశురామ్ కు అయన ఛాన్స్ ఇస్తాడో లేదో చూడాలి !!