అద్భుతం మూవీ రివ్యూ

జాంబీ రెడ్డి చిత్రంతో హీరోగా అరంగేట్రం చేసిన తేజ సజ్జ, ఆ తర్వాత ఇష్క్ సినిమాతో ప్లాప్ ను ఎదుర్కోవాల్సి వచ్చింది. లేటెస్ట్ గా అద్భుతం అనే సినిమాను చేసాడు ఈ యంగ్ హీరో. డైరెక్ట్ ఓటిటి రిలీజ్ అయింది ఈ సినిమా. డిస్నీ ప్లస్ హాట్ స్టార్ లో స్ట్రీమ్ అవుతోంది. ఈ చిత్రం మరి ఎలా ఉందో చూద్దామా?

కథ:

తన జీవితంలో జరుగుతున్న పరిణామాలకు డిప్రెస్ అయిన సూర్య (తేజ సజ్జ) ఆత్మహత్య చేసుకుందామని ఒక ఎత్తైన బిల్డింగ్ నుండి దూకడానికి ప్రిపేర్ అయిపోతాడు. చనిపోయే ముందు తనది ఆత్మహత్యే అని తెలియడానికి తన ఫోన్ కు తనే “నా చావుకి ఎవరూ బాధ్యలు కారు” అని మెసేజ్ సెండ్ చేసుకుంటాడు. తీరా చూస్తే అదే నెంబర్ తో ఉన్న వెన్నెల (శివాని) కు ఆ మెసేజ్ వెళ్తుంది. ఆ చర్యతో ఇద్దరూ షాక్ అవుతారు.

తర్వాత ఇద్దరూ కూడా ఫోన్ లోనే ఫ్రెండ్స్ అవుతారు. అయితే కొంత కాలానికి కలుసుకుందామని డిసైడ్ అయ్యాక తాము వేరే టైమ్ లైన్స్ లో జీవిస్తున్నారని తెలుసుకుంటారు.

అసలు ఇది ఎలా సాధ్యం? వేరే వేరే కాలాల్లో జీవిస్తోన్న వ్యక్తులు కలవగలరా? తర్వాత జరిగే పరిణామాలు ఏంటి?

పెర్ఫార్మన్స్:

తేజ సజ్జ చిన్నప్పటి నుండి సినిమాలు చేస్తూ పెరగడం వలనో ఏమో కానీ చాలా కాన్ఫిడెంట్ గా ప్రతీ సినిమాలో కనిపిస్తున్నాడు. ఈ చిత్రంలో కూడా పక్కింటి కుర్రాడి తరహా పాత్రను, భిన్నమైన ఎమోషన్స్ ఉన్నా కూడా సులువుగా చేసుకుంటూ వెళ్ళిపోయాడు. చూడటానికి రెగ్యులర్ గ్లామరస్ హీరోయిన్స్ లా ఉండదు శివాని కానీ ఆమె పెర్ఫార్మన్స్ సెన్సిబుల్ గా ఉంది. అయితే వీరిద్దరి పాత్రల మధ్య కెమిస్ట్రీ సరిగా వర్కౌట్ చేయలేకపోయారు. తులసి, కమెడియన్ సత్య తదితరులు తమ తమ పాత్రల్లో మెప్పించారు.

సాంకేతిక నిపుణులు:

రధన్ సంగీతం పర్వాలేదు అయితే ఇంకా బాగుండచ్చు అన్న ఫీలింగ్ కచ్చితంగా వస్తుంది. విద్యాసాగర్ చింత అందించిన సినిమాటోగ్రఫీ ఓకే. గ్యారీ బిహెచ్ ఎడిటింగ్ డీసెంట్ గానే ఉంది. నిర్మాణ విలువలు బడ్జెట్ ప్రకారంగా చూసుకుంటే బాగానే ఉన్నాయి.

మల్లిక్ రామ్ ఎంచుకున్న కథను ఎఫెక్టివ్ వే లో చెప్పడానికి చాలా డెప్త్ ఉంది. అయితే తన నరేషన్ మాత్రం అంత ఎఫెక్టివ్ గా అనిపించదు. స్క్రీన్ ప్లే మీద దర్శకుడు మరింత కసరత్తు చేసి ఉంటే కచ్చితంగా టైటిల్ కు తగ్గట్లుగా ఉండేది సినిమా.

పాజిటివ్ పాయింట్స్:

• పెర్ఫార్మన్స్ లు
• బేసిక్ స్టోరీ లైన్

నెగటివ్ పాయింట్స్:

• అస్తవ్యస్తమైన స్క్రీన్ ప్లే
• ఎఫెక్టివ్ కాన్ఫ్లిక్ట్ పాయింట్ లేకపోవడం
• సందర్భం లేకుండా వచ్చే సాంగ్స్.

విశ్లేషణ:

కాన్సెప్ట్ పరంగా బాగున్నా కానీ నరేషన్ విషయంలో అద్భుతం నెమ్మదిస్తుంది. ఈ సైన్స్ ఫిక్షన్ లవ్ డ్రామాలో స్క్రీన్ ప్లే అతిపెద్ద మైనస్ గా నిలుస్తుంది. అందుకే అద్భుతం చాలా సాధారణంగా మారింది.

తెలుగు బులెటిన్ రేటింగ్: 2/5