2024: గడచిపోయిన జ్ఞాపకాలతో 2023కి గుడ్ బై చెప్పి.. కొత్త ఆశలతో 2024 ఏడాదికి స్వాగతం చెప్పేందుకు ప్రపంచవ్యాప్తంగా ప్రజలు ఎంతో ఆనందోత్సాహాలతో ఎదరు చూస్తూ.. మరికొన్ని గంటల్లో 2024లోకి ప్రవేశించబోతున్నారు భారతీయులు. అయితే.. అన్ని దేశాల కంటే ముందే న్యూజిలాండ్ (New Zealand) కొత్త ఏడాదిలోకి ప్రవేశించింది. ఆక్లాండ్ లో స్కైటవర్ వద్ద న్యూజిలాండ్ ప్రజలు ఆనందోత్సాహాలు, సంబరాల మధ్య కొత్త సంవత్సరానికి స్వాగతం పలికారు. ఇండియా (India) కంటే ఆస్ట్రేలియా (Australia) 5.30గంటల ముందే కొత్త సంవత్సరంలోకి అడుగుపెట్టనుంది.
భారత్ కంటే జపాన్, దక్షిణ, ఉత్తర కొరియా దేశాలు 3గంటలు, భూటాన్, నేపాల్, బంగ్లాదేశ్ అరగంట కంటే ముందు.. భారత్, శ్రీలంక ఒకేసారి.. 5.30గంటల తర్వాత ఇంగ్లాండ్, మన తర్వాత నాలుగున్నర గంటల తర్వాత 43 దేశాలు.. మనకంటే 10.30 గంటల తర్వాత అమెరికాలోని న్యూయార్క్ కొత్త ఏడాదిలోకి అడుగుపెట్టబోతున్నాయి. చివరగా అమెరికాలోని బేకర్, హోవార్డ్ దీవులు కొత్త ఏడాదిలోకి వెళ్తాయి. అయితే.. నివాసయోగ్యం కాని ప్రదేశాలు కావడంతో సమోవా చివరిదిగా పేర్కొంటారు.