అకస్మాత్తుగా వచ్చిన జీహెచ్ఎంసీ ఎన్నికల్లో పోటీచేసేందుకు ప్రధాన పార్టీలన్నీ కసరత్తు చేస్తున్నాయి. సమయం తక్కువే ఉన్నా.. ఎక్కడా తగ్గకుండా ఎన్నికల బరిలోకి దూకుతున్నాయి. అధికార టీఆర్ఎస్ తోపాటు బీజేపీ, కాంగ్రెస్, ఎంఐఎం కదనరంగంలో ఉండగా.. జనసేన కూడా గ్రేటర్ ఎన్నికల్లో పోటీకి సై అంది. ఇక పోటీ చేద్దామా.. వద్దా అనే డోలాయమానం నుంచి బయటకు వచ్చిన టీడీపీ కూడా ఎన్నికల్లో తలపడాలని నిర్ణయించింది. టీఆర్ఎస్ ఇప్పటివరకు 125 మంది అభ్యర్థులను ప్రకటించగా.. బీజేపీ 73, కాంగ్రెస్ 81 మందితో తమ జాబితాలు విడుదల చేశాయి. ఈ క్రమంలో టీడీపీ 90 మంది అభ్యర్థులను ప్రకటించి షాక్ ఇచ్చింది.
గ్రేటర్ పోటీ ప్రధానంగా టీఆర్ఎస్, బీజేపీ మధ్యే ఉంటుందనే అంచనాలు వెలువడుతున్న తరుణంలో కాంగ్రెస్ కూడా తన సత్తా పరీక్షించుకోవడానికి కదన రంగంలోకి దిగింది. చివరకు తెలంగాణలో ఆపోసోపాలు పడుతున్న టీడీపీ కూడా పోటీకి ఉత్సాహం చూపిస్తోంది. కానీ ఏపీలో 151 స్థానాలు గెలుచుకుని అధికారంలో ఉన్న వైసీపీ మాత్రం కాడి కింద పడేసింది. గ్రేటర్ హైదరాబాద్ మున్సిపల్ కార్పొరేషన్ ఎన్నికల్లో వైఎస్సార్ సీపీ పోటీ చేయడంలేదని ఆ పార్టీ తెలంగాణ అధ్యక్షుడు గట్టు శ్రీకాంత్ రెడ్డి ప్రకటించారు.
తెలంగాణలో పార్టీని బలోపేతం చేసే దిశగా కార్యాచరణ ప్రణాళికలు రూపొందిస్తున్నామని, అందువల్లే ఈ ఎన్నికల్లో పోటీ చేయడంలేదని పేర్కొన్నారు. అయితే, టీఆర్ఎస్ తో ఉన్న అవగాహన కారణంగానే వైసీపీ తెలంగాణలో ఎన్నికలకు దూరంగా ఉంటోందనే ప్రచారం జరుగుతోంది. రాష్ట్రం ఏర్పడిన తర్వాత ఏ ఎన్నికల్లోనూ పోటీ చేయకుండా తెర వెనుక గులాబీ పార్టీకి సహకరిస్తోందని అంటున్నారు. ఇప్పుడు కూడా ఈ కోణంలోనే నిర్ణయం తీసుకుందని చెబుతున్నారు.
ఏ పార్టీ అయినా ఎన్నికల్లో పోటీచేస్తేనే దానికి రాజకీయ పార్టీగా గుర్తింపు ఉంటుంది. అలా కాకుండా పార్టీని బలోపేతం చేయడానికి ప్రయత్నాలు చేస్తున్నామని, అందుకే పోటీకి దూరంగా ఉన్నామని చెప్పడం హాస్యాస్పదం కాక మరేమిటని ప్రశ్నిస్తున్నారు. మొత్తమ్మీద తెలంగాణ నుంచి వైసీపీ తట్టా బుట్టా సర్దేసినట్టేనని అంటున్నారు.
816802 741181This is such an excellent post, and was thinking considerably exactly the same myself. Another fantastic update. 512321
862543 6667Superb weblog here! In addition your internet site rather a lot up quickly! What host are you the usage of? Can I get your affiliate link to your host? I wish my site loaded up as rapidly as yours lol 456526