వైఎస్ విజయమ్మకి రోడ్డు ప్రమాదం.! వైసీపీ రెబల్ ఎంపీ రఘురామ అనుమానం.!

కారు టైర్లు పేలిపోవడం అనేది జరగకూడని విషయమేమీ కాదు. కొన్ని ప్రత్యేక పరిస్థితుల్లో జరుగుతుంటుంది. కార్ల టైర్లను సరిగ్గా మెయిన్‌టెయిన్ చేయకపోవడం వల్లనే ఈ ప్రమాదాలు జరుగుతుంటాయని నిపుణులు చెబుతుంటారు. మామూలు వ్యక్తుల కార్ల టైర్ల విషయంలో కొంత నిర్లక్ష్యం వుండొచ్చు. కానీ, ప్రముఖుల విషయంలో అలా జరగదు కదా.?

వైఎస్సార్ కాంగ్రెస్ పార్టీ అధినేత, ఆంధ్రప్రదేశ్ ముఖ్యమంత్రి వైఎస్ జగన్ మోహన్ రెడ్డి మాతృమూర్తి విజయమ్మ ఇటీవల రోడ్డు ప్రమాదానికి గురయ్యారు. ఈ రోడ్డు ప్రమాదంలో ఆమెకు అదృష్టవశాత్తూ ఎలాంటి గాయాలూ తగల్లేదు. అయితే, రోడ్డు ప్రమాదంపై చాలామంది చాలా అనుమానాలు వ్యక్తం చేస్తున్నారు.

కారు టైర్లు పేలడంతో ప్రమాదం సంభవించిందట. డ్రైవరు చాకచక్యంగా వ్యవహరించడంతో పెను ప్రమాదం తప్పిందట. ప్రమాదం జరిగిన వెంటనే, విజయమ్మను వేరే కారులో అక్కడి నుంచి పంపేశారట. విజయమ్మ మాజీ ఎమ్మెల్యే. పైగా, వైసీపీ గౌరవాధ్యక్షురాలిగా పని చేశారు. తెలంగాణలో వైఎస్ షర్మిల స్థాపించిన వైఎస్సార్ తెలంగాణ పార్టీ పనుల్లో బిజీగా వున్నారు. త్వరలో ఆమెకు వైటీపీ గౌరవాధ్యక్షురాలి పదవి దక్కనుందనే ప్రచారమూ జరుగుతోంది.

అసలు రెండు టైర్లు ఎందుకు ఒకేసారి పేలతాయి.? ఈ ప్రమాదం వెనుక ఏదైనా కుట్ర వుందా.? సాధారణ నెటిజన్లే కాదు, వైసీపీ రెబల్ ఎంపీ రఘురామకృష్ణరాజుకీ ఈ అనుమానం వచ్చింది. ‘వెంటనే ఈ ఘటనపై విచారణ జరిపించాలి.. గొడ్డలిపోటుతో చనిపోయిన వైఎస్ వివేకానందరెడ్డి విషయంలో గుండె పోటు అని ఎందుకు చెప్పాల్సి వచ్చింది.? ఈ టైర్లు పేలి విజయమ్మ కారుకి ప్రమాదం సంభవించడానికి కారణమేంటి.? వంటి అంశాలపై ప్రజలకు నిజాలు తెలియాలి..’ అంటున్నారు రఘురామకృష్ణరాజు.

హెలికాప్టర్ ప్రమాదంలో వైఎస్ రాజశేఖర్ రెడ్డి చనిపోతే, దాని వెనుక పెద్ద కుట్ర వుందనే అనుమానాలు అప్పట్లో వ్యక్తం చేశారు. ఆ తర్వాత ఆ విషయాన్నే మర్చిపోయారు. వరుసగా, వైఎస్ కుటుంబంలోని వ్యక్తులకే ఇలా ఎందుకు జరుగుతోంది.? అన్నది రఘురామకృష్ణరాజు డౌటానుమానం.

ఔను, కాస్త లోతుగానే ఆలోచించాలి ఈ విషయంలో. ఇటీవలే వైసీపీ గౌరవాధ్యక్షురాలి పదవికి రాజీనామా చేశారు వైఎస్ విజయమ్మ. సో, విజయమ్మ కారు ప్రమాదం వెనుక కుట్ర వుండి వుండొచ్చన్న రఘురామ అనుమానాల్ని తేలిగ్గా కొట్టి పారేయలేం.