టీడీపీకి రాజీనామా చేసి, దాంతోపాటుగా ఎమ్మెల్సీ పదవికి కూడా రాజీనామా చేసిన డొక్కా మాణిక్య వరప్రసాద్, వైసీపీలో చేరి.. ఇప్పుడు తాజాగా వైసీపీ నుంచి ఎమ్మెల్సీగా గెలిచారు. మరి, ఈపాటి చిత్తశుద్ధి టీడీపీకి గుడ్ బై చెప్పి వైసీపీ వైపు వెళ్ళిన ఎమ్మెల్యేలలో ఎందుకు కన్పించడంలేదు.? ఎమ్మెల్సీ పదవి అంటే, అదెలాగూ తనకే దక్కుతుంది గనుక.. డొక్కా, చాలా వ్యూహాత్మకంగా వ్యవహరించారు. ఎమ్మెల్యే పదవి అంటే అలా కాదు కదా. రాజీనామా చేస్తే, ఉప ఎన్నికలొస్తాయి. ఆయా ఎమ్మెల్యేలకు మళ్ళీ గెలుస్తామన్న నమ్మకం లేకపోవడం ఇంకో ఎత్తు, ఆ స్థానాల్ని మళ్ళీ గెలుచుకోగలమా.? లేదా.? అన్న అధికార పార్టీ అనుమానాలు ఇంకో వైపు.. వెరసి, ఎమ్మెల్యేల పార్టీ ఫిరాయింపు వ్యవహారం సందిగ్ధంలో పడింది.
మరోపక్క, టీడీపీ రెబల్ ఎమ్మెల్యేలను, టీడీపీ పైకి ఎగదోయడంలో వైఎస్సార్ కాంగ్రెస్ పార్టీ చిత్రమైన గేమ్ ప్లాన్ని అమలు చేస్తోంది. గతంలో వైఎస్ రాజశేఖర్రెడ్డి హయాంలో ఇలాగే జరిగింది. టీఆర్ఎస్ మీదకి, టీఆర్ఎస్ రెబల్ ఎమ్మెల్యేలను ఎగదోశారు అప్పట్లో వైఎస్ రాజశేఖర్రెడ్డి. ఇక, వైసీపీ గేమ్ ప్లాన్లో భాగంగా టీడీపీ ఎమ్మెల్యేలు, టీడీపీ అధినేతని ఏ స్థాయిలో తిడుతున్నారో ప్రత్యేకంగా చెప్పాల్సిన పనిలేదు.
తాజగా జనసేన ఎమ్మెల్యే రాపాక వరప్రసాద్తోనూ, జనసేనపై విమర్శలు చేయిస్తోంది వైఎస్సార్ కాంగ్రెస్ పార్టీ. మొదటి నుంచీ జనసేనలో రాపాక వ్యవహారశౖలి అనుమానాస్పదమే. పార్టీ నిర్ణయాలకు విరుద్ధంగా వ్యవహరిస్తున్న ఆయన విషయంలో జనసేన పార్టీ ఆచి తూచి వ్యవహరిస్తోంది. దాంతో, గట్టిగా జనసేనను తూలనాడేందుకు సంశయిస్తున్న రాపాక, కేవలం పొలిటికల్ సెటైర్లతోనే సరిపెడుతున్నారు.
అన్నట్టు, వైసీపీ ఆడుతోన్న ఈ హేయమైన పొలిటికల్ గేమ్.. వైసీపీకి కూడా పెద్ద షాకే ఇస్తోంది.. నర్సాపురం ఎంపీ రఘురామకృష్ణరాజు రూపంలో. రఘురామకృష్ణరాజు వైసీపీని వీడే ఉద్దేశ్యం లేదంటున్నారు. కానీ, వైసీపీలో ముసలం పుట్టించారు. వైఎస్సార్సీపీ జాతీయ ప్రధాన కార్యదర్శి విజయసాయిరెడ్డినే టార్గెట్ చేసుకున్నారు రఘురామకృష్ణరాజు. వైసీపీ ఎమ్మెల్యేల్ని ఇసుక దొంగలుగా అభివర్ణించారు ఈ నర్సాపురం ఎంపీ.
ఇంతా చేసి, ‘మా ముఖ్యమంత్రి చాలా మంచోడు.. ఆయనంటే నాకు వల్లమాలిన ప్రేమ..’ అంటున్నారు. ఇంతలోనే, ‘అసలు వైఎస్సార్ కాంగ్రెస్ పార్టీ ఎక్కడుంది.? అది యువజన శ్రామిక రైతు కాంగ్రెస్ పార్టీ..’ అని కొత్త వివాదాన్ని తెరపైకి తెచ్చారు. అవును, ఇప్పుడు వైసీపీ ఉనికికే ప్రమాదమొచ్చేలా వుంది నర్సాపురం ఎంపీ ప్రశ్నలతో.. అనే చర్చ రాజకీయ వర్గాల్లో జరుగుతోంది. అందుకే మరి, తాడిని తన్నేవాడుంటే.. వాడి తలను తన్నేవాడూ వుంటాడనేది.
513247 885396Why didnt I think about this? I hear exactly what youre saying and Im so happy that I came across your blog. You genuinely know what youre talking about, and you produced me feel like I should learn more about this. Thanks for this; Im officially a huge fan of your blog 909318
237858 649526I consider something actually unique in this internet site. 521091