ఆయన చంపేస్తాడేమో.. నన్ను రక్షించండి

కర్ణాటక మాజీ మంత్రి రమేష్ జార్కిహొళి రాసలీలల సీడీ కేసులో బాధిత మరియు నింధిత మహిళ ఎట్టకేలకు కోర్టులో లొంగి పోయింది. కోర్టులో లొంగి పోయిన సదరు యువతి కోర్టుకు లేఖ రాసింది. అందులో రమేష్‌ జార్కిహొళి అత్యంత ప్రమాదకరమైన వ్యక్తి. ఆయన నుండి నన్ను రక్షించండి అంటూ అందులో పేర్కొంది. ఆయన నన్ను మరియు నా కుటుంబ సభ్యులను ఏమైనా చేసేందుకు సిద్దంగా ఉన్నాడంటూ ఆమె ఆందోళన వ్యక్తం చేసింది.

అత్యాచారం చేయడం అమాయకులను బెదిరించడం మోసాలకు పాల్పడటం ఇంకా అనేక రకాలుగా వేదించడం ఆయన పని. అందుకే ఆయన నుండి నన్ను కాపాడండి అంటూ బాధిత మహిళ విజ్ఞప్తి చేసింది. జార్కిహొళి ఏ సమయంలో అయినా నన్ను చంపే అవకాశం ఉంది. కనుక ఆయన నుండి నాకు రక్షణ కావాలంటూ పోలీసులను సైతం ఆమె కోరింది. ఈ కేసును విచారిస్తున్న సిట్‌ అధికారులపై తనకు నమ్మకం లేదని అందుకే నేరుగా కోర్టును ఆశ్రయించినట్లుగా ఆమె పేర్కొంది. ఈమొత్తం వ్యవహారం కర్ణాటక రాజకీయాలను కుదుపు కుదిపేస్తోంది.