అంతేనా.? గోరంట్ల మాధవ్ మీద ‘వేటు’ పడే అవకాశమే లేదా.?

అదేంటీ, గోరంట్ల మాధవ్ మీద వేటు పడుతుందనే ప్రచారం వైసీపీనే చేసింది కదా.? ఆయన్ని పార్టీ నుంచి సస్పెండ్ చేయాలని పేటీఎం కార్యకర్తలే సోషల్ మీడియా వేదికగా డిమాండ్ చేశారు కదా.? కఠిన చర్యలు తప్పవని ‘సకల శాఖల మంత్రి’గా పేరొందిన ప్రభుత్వ సలహదారు సజ్జల రామకృష్ణారెడ్డి కూడా సంకేతాలు పంపారు కదా.? ఇప్పుడేంటి, అసలాయన మీద చర్యలు వుండబోవంటూ లీకులు పంపుతున్నారు.?

హిందూపురం వైసీపీ ఎంపీ గోరంట్ల మాధవ్, యువజన శ్రామిక రైతు కాంగ్రెస్ పార్టీని కాస్తా, యువజన శృంగార రసిక చిల్లర (చిలిపి) పార్టీగా మార్చేస్తూ న్యూడ్ వీడియోతో అడ్డంగా దొరికిపోయిన విషయం విదితమే. ‘హండ్రెడ్ పర్సెంట్ ఫోరెన్సిక్..’ అంటూ సంయమనం కోల్పోయి అడ్డగోలు వ్యాఖ్యలు చేశారాయన. అంతేనా, తాను నగ్నంగా దొరికిపోయి, ఈ వివాదానికి కులం రంగు పులిమే ప్రయత్నం కూడా చేశాడాయన.

అసలు, ఈ వీడియోపై క్షణం ఆలోచించకుండా ఆయన మీద బహిష్కరణ వేటు వేయాల్సిన వైసీపీ అధిష్టానం, అక్కడికేదో ఆయన ఘనకార్యం చేసినట్లు, తాజాగా ఎంపీల సమావేశంలో ఆయన్ని కూర్చబోట్టిందాయె. తోటి మహిళా ప్రజా ప్రతినిథులు ఆయనతో కలిసి ఎలా కూర్చున్నారు.? అంటూ నెటిజనం ఏకి పారేస్తున్న వైనం కనిపిస్తోంది.

ఇంత జరుగుతున్నా, వైసీపీ మహిళా నేతలు స్పందించట్లేదు. గన్ కంటే ముందు జగన్ వచ్చేస్తాడంటూ సినిమాటిక్ డైలాగులు చెప్పే మంత్రి రోజా, ఈ ఉదంతంలో వైఎస్ జగన్ మోహన్ రెడ్డి ఎందుకు స్పందించలేదో సమాధానమివ్వాల్సి వున్నా, ఆమె కూడా లైట్ తీసుకున్నట్లే కనిపిస్తోంది. మహిళా కమిషన్ ఛైర్ పర్సన్ వాసిరెడ్డి పద్మ సంగతి సరే సరి.!

ఎక్కడ ఏ ఘటన జరిగినా, దానికి టీడీపీనే కారణమని చెప్పే వాసిరెడ్డి పద్మ, ఈ వీడియోకి కూడా టీడీపీనే కారణమని చెప్పడానికైనా మీడియా ముందుకు రావాలి కదా.? హోంమంత్రి కూడా ఓ మహిళ.. ఆమె సైతం ఈ వ్యవహారంపై స్పందించలేదు. చూస్తోంటే, అది మార్ఫింగ్ వీడియోనే.. అని చెప్పి గోరంట్ల మాధవ్‌ని గండం నుంచి గట్టున పడేలా చేయడమే వైసీపీ అధిష్టానం ఉద్దేశ్యంగా కనిపిస్తోంది.