అక్కడ సభపెట్టి వైకాపా ఏం సాధించింది.. !!

వైఎస్ జగన్ ఒకరిపై కక్షకడితే అది ఎంత తీవ్రంగా ఉంటుందో చెప్పడానికి ఎన్నో ఉదాహరణలు ఉన్నాయి. అందులో బాబు ఉదంతం ఒకటి. గత అసెంబ్లీలో చంద్రబాబు చేసిన పరాభవానికి ఇప్పుడు బదులు తీర్చుకుంటున్నారు. అసెంబ్లీలో ఎంతగా అవమానించాలో అంతగా అవమానిస్తున్నారు. ఒక్క జగన్ మాత్రమే కాకుండా, ఆ పార్టీలోనుంచి వైకాపాలోకి వచ్చిన గెలిచిన ఎమ్మెల్యేలు, మంత్రుల చేత కూడా తిట్టిస్తున్నారు.

బాబు చేత, బాబు వర్గీయుల చేత అనేక అవమానాలు ఎదుర్కొన్న రోజా శాసనసభలో రెచ్చిపోతున్నది. ఎక్కడా కూడా తగ్గే ప్రసక్తి లేదని అంటోంది. ఆరునెలల పాటు అందరికి మంచి పనులు చేస్తూ బాబును తిరుగుతున్నా పెద్దగా జనాలు కూడా పట్టించుకోలేదు. కానీ, ఇప్పుడు మూడు రాజధానులు అనే కొత్త స్కీం ను తెరమీదకు తీసుకురావడంతో రాష్ట్రంలోని ప్రజలు షాక్ అవుతున్నారు.

మూడు రాజధానులు వస్తేనే అభివృద్ధి అని చెప్తున్న జగన్ ను చూసి ప్రజలు చీదరించుకునే స్థాయికి తెచ్చుకున్నారు. మూడు రాజధానుల అంశం ఎక్కడా కూడా హిట్ కాలేదు. మనకంటే బలమైన ఆర్ధిక పరిస్థితులు ఉన్న సౌత్ ఆఫ్రికాలో మూడు రాజధానుల అంశం అట్టర్ ప్లాప్ అయ్యింది. అయినా సరే జగన్ మూడు రాజధానుల అంశం పట్టుకొని పరుగులు తీస్తున్నారు.

ఇక నిన్నటి రోజున వైకాపా నారావారి పల్లెలో రాజధాని అంశంపై ఎమ్మెల్యే చెవిరెడ్డి ఆధ్వర్యంలో భారీ సభను ఏర్పాటు చేశారు. ఇద్దరు మంత్రులు, ముఖ్యనేతలు హాజరయ్యారు. కానీ, ఆ సభలో జనాలే కరువయ్యారు. భారీ ఎత్తున సభను ఏర్పాటు చేసి, బాబు సొంత వూరు నుంచే ఆయన్ను వెళ్ళగొట్టాలి అని ప్లాన్ చేసిన వైకాపాకు ప్రజలు సరిగ్గా బుద్దిచెప్పారు. బోలెడు డబ్బులు పెట్టి ఏర్పాటు చేసిన సభ కాస్త అట్టర్ ప్లాప్ కావడంతో దీనిపై పెద్దగా న్యూస్ బయటకు రాకుండా చూసుకుంటున్నారు వైకాపా నేతలు.