బిగ్‌బాస్‌ సీజన్‌ 3 తెలుగులో పేలవంగానే కొనసాగుతోంది. అర్థం పర్థం లేని టాస్క్‌లు.. అస్సలేమాత్రం ఆసక్తి లేకుండా బిగ్‌హౌస్‌లో నెట్టుకొచ్చేస్తున్న కంటెస్టెంట్స్‌.. వెరసి, ఒక్కటంటే ఒక్క ఎపిసోడ్‌ కూడా ఇంట్రెస్టింగ్‌గా అన్పించడంలేదు ఇటీవలి కాలంలో. తాజాగా, బిగ్‌హౌస్‌లో దెయ్యం టాస్క్‌ కాస్తా అభాసుపాలైపోయిన విషయం విదితమే. బిగ్‌బాస్‌పై ధిక్కార స్వరం విన్పించిన పునర్నవి భూపాలంతో ఎలాగోలా కాంప్రమైజ్‌ చేయించి.. బిగ్‌బాస్‌ ఇచ్చిన టాస్క్‌ ఆమెతో చేయించేశారు.
ఆ తర్వాత కెప్టెన్సీ టాస్క్‌ మొదలయ్యింది. టాస్క్‌ సందర్భంగా వరుణ్, వితికని వీపు మీద ఎక్కించుకుని.. పరుగు తీశాడు. మరోపక్క శ్రీముఖిని వీపు మీదెక్కించుకున్నాడు రవికృష్ణ. మహేష్‌, శివజ్యోతి మరో జంట. నిర్దేశిత దూరంలో జెండాల్ని పాతి, తిరిగి రావడం ఈ టాస్క్‌ సారాంశం. వరుణ్ సందేశ్‌, తన భార్యని వీపు మీదెక్కించుకుని అత్యధికంగా జెండాల్ని అవతలి వైపుకు తీసుకెళ్ళాడు. అలా టాస్క్‌లో వితిక షెరు విజయం సాధించింది. కామెడీకే పరాకాష్ట ఈ టాస్క్‌.
Also Read: శిక్ష కాదు, టాస్క్‌: గెలిచిన పునర్నవి, ఓడిన బిగ్‌బాస్‌.?
మహేష్‌ తాను గెలవాలి కాబట్టి పరిగెత్తాడు. వితిక, శ్రీముఖిల పరిస్థితేంటి.? వాళ్ళు కెప్టెన్స్‌ కావడానికి ఇంకెవరో సహకరించడమేంటో.! చెత్త టాస్క్‌లకు కేరాఫ్‌ అడ్రస్‌గా బిగ్‌బాస్‌ మారిపోయిందనడానికి ఇంతకన్నా నిదర్శనం ఇంకోటి అవసరం లేదేమో. మరోపక్క రాహుల్‌ సిప్లిగంజ్‌ మరోసారి తన ఆటిట్యూడ్‌ చూపే ప్రయత్నం చేశాడు.
పునర్నవి – రాహుల్‌, వితిక – రాహుల్‌ అలాగే వరుణ్ – రాహుల్‌ మధ్య వివాదం వచ్చినట్టే వచ్చి, ఆ తర్వాత చల్లారిపోయింది. వ్యూయర్స్‌ చులకనైపోయారనుకోవాలా.? అన్న ప్రశ్నలు సోషల్‌ మీడియాలో వెల్లువెత్తుతున్నాయి. ప్రైమ్‌ టైమ్‌లో వేరే ఛానల్స్‌ వైపు ఆడియన్స్‌ వెళ్ళిపోయేలా చేస్తోంది బిగ్‌బాస్‌.
776722 255550appreciate the effort you put into finding us this information 191543