తెలంగాణ ఉద్యమ కాలం నాటి పరిస్థితుల్ని మళ్ళీ ప్రత్యక్షంగా చూస్తున్నాం. అప్పుడంటే ప్రతి చిన్న విషయానికీ ఆంధ్రోళ్ళ మీద నెపం నెట్టేసిన తెలంగాణ రాష్ట్ర సమితి అధినేత కల్వకుంట్ల చంద్రశేఖర్రావు, ఇప్పుడు నోటికి ‘తాళం’ వేసేసుకున్నట్లుగా కన్పిస్తున్నారు. నిజానికి, ‘తెలంగాణ ఆర్టీసీ కార్మికుల వెనకాల సీమాంధ్రుల కుట్ర వుంది..’ అంటూ చాలా తేలిగ్గా టీఆర్ఎస్ నేతలు ఆరోపణలు చేసేవాళ్ళే. కానీ, ఎందుకో కేసీఆర్ ‘సారు’ నుంచి, ఆ తరహా సంకేతాలు గులాబీ శ్రేణులకు వెళ్ళలేదు.
బహుశా, ఆ కోణంలో తెలంగాణ ఆర్టీసీ కార్మికుల సమ్మెని కించపరిస్తే.. తెలంగాణ సమాజం మొత్తం ఛీత్కరించుకుంటుందనే ‘సోయ’ కాస్తో కూస్తో కేసీఆర్కి కలిగినట్లుంది. టీఎస్సార్టీసీని ప్రభుత్వంలో విలీనం చెయ్యడం, చెయ్యకపోవడం వేరే విషయాలు. ముందంటూ ప్రభుత్వం తరఫున చర్చలకు దిగితే, చాలా తేలిగ్గా వివాదం సద్దుమణిగిపోతుంది.
‘సారూ.. మీ బిడ్డలాంటోడ్ని నేను.. మీరిచ్చిన హామీ మేరకే మా సమస్యల్ని పరిష్కరించమంటున్నాం.. ఇప్పుడన్నా ఓ మాట మాట్లాడండి మాతో..’ అంటూ టీఆర్టీసీ ఉద్యమానికి నేతృత్వం వహిస్తోన్న అశ్వత్థామరెడ్డి మీడియా సాక్షిగా కేసీఆర్కి విజ్ఞప్తి చేస్తున్నారు. ‘సెల్ఫ్ డిస్మిస్డ్..’ అనే పదం కేసీఆర్, ఆర్టీసీ కార్మికులపై ఉపయోగించి వుండకపోతే పరిస్థితి ఇక్కడిదాకా వచ్చేది కాదు.
ఆర్టీసీ ఆస్తుల విషయంలో తెరవెనుకాల ఏదో తతంగం నడుస్తోందనీ.. ఆ కారణంగానే కేసీఆర్ ఈ విషయంలో మొండిగా పట్టుదలకు పోతున్నారనీ విమర్శలు వెల్లువెత్తుతున్నాయి. ప్రగతిభవన్ని ముట్టడించేందుకు వివిధ రాజకీయ పార్టీలు విఫలయత్నం చేస్తున్నాయి. మరోపక్క, అరెస్టులతో ఉద్యమంపై ఉక్కుపాదం మోపాలని తెలంగాణ ప్రభుత్వం చూస్తోంది. ‘అబ్బే, బంద్ ప్రభావం అస్సలేమీ లేదు..’ అంటూ తన అనుకూల మీడియాతో మొన్నటి తెలంగాణ బంద్పై కేసీఆర్ దుష్ప్రచారం చేయించారుగానీ.. వాస్తవమేంటో తెలంగాణ ప్రజానీకానికి అర్థమయ్యింది. ఇప్పుడీ ప్రగతిభవన్ ముట్టడి కార్యక్రమం చుట్టూ జరుగుతున్న రగడని తెలంగాణ సమాజం అర్థం చేసుకుంటోంది.
388632 340934so facebook recommended me the pages food and eating ,,, yeah Im obese|HasmAttack| 78151