వైసీపీ ఎంపీ, ఆ పార్టీ రాజ్యసభ సభ్యుడు విజయసాయిరెడ్డి కరోనా బారిన పడిన విషయం విదితమే. విజయసాయిరెడ్డితోపాటు ఆయన పీఏకి కూడా కరోనా సోకిందనీ, ఇద్దరూ హైద్రాబాద్లోని ఓ ప్రముఖ ప్రైవేటు కార్పొరేట్ ఆసుపత్రిలో చికిత్స పొందుతున్నారనీ వార్తలొస్తున్నాయి. మరోపక్క, విజయసాయిరెడ్డి కనీ వినీ ఎరుగని రీతిలో ట్రోలింగ్ ఎదుర్కోవాల్సి వస్తోంది. ‘వ్యాధితో పోరాడాలి.. వ్యాధిగ్రస్తులపై చిన్నచూపు తగదు’ అన్నది వాస్తవం.
కానీ, విజయసాయిరెడ్డి గతంలో వేసిన ట్వీట్లను, చేసిన కామెంట్లను చాలామంది ప్రస్తావిస్తూ సోషల్ మీడియాలో ‘ట్రోల్’ చేస్తున్నారు. మాజీ మంత్రి కింజరాపు అచ్చెన్నాయుడు, తనకు ప్రైవేటు ఆసుపత్రిలో వైద్య చికిత్సకు అవకాశమివ్వాలని న్యాయస్థానాన్ని అభ్యర్థిస్తే, ‘మా ప్రభుత్వ హయాంలో ప్రభుత్వ ఆసుపత్రులు అద్భుతంగా వున్నాయి..’ అని చెప్పే క్రమంలో, అచ్చెన్నాయుడు అనారోగ్యంపై విజయసాయి చేసిన వెటకారాలు అన్నీ ఇన్నీ కావు.
కరోనా వైరస్ చుట్టూ విజయసాయిరెడ్డి వేసిన ట్వీట్లు, వాటిల్లో విపక్ష నేతలపై సెటైర్ల గురించి ఎంత చెప్పుకున్నా తక్కువే. వాటన్నిటినీ నెటిజన్లు ఇప్పుడు ‘కోట్’ చేస్తున్నారు. రాష్ట్ర రాజకీయాల్లోనే కాదు, దేశ రాజకీయాల్లోనే ‘కరోనా ప్రొటెక్టివ్ కిట్స్’ని అత్యంత విరివిగా వాడేసిన అతి కొద్దిమంది పొలిటీషియన్లలో విజయసాయిరెడ్డి కూడా ఒకరు. అలాంటి విజయసాయిరెడ్డి కరోనా వైరస్ బారిన పడటమేంటి.? అన్నది ఇంకొందరి ప్రశ్న.
హైద్రాబాద్లో కరోనా పాజిటివ్గా తేలింది గనుక.. హైద్రాబాద్లో చికిత్స పొందుతున్నారని వైసీపీ నేతలు, వైసీపీ మద్దతుదారులు బుకాయించడం బాగానే వుంది.! కానీ, హైద్రాబాద్లోనే ఏదో ఒక ప్రభుత్వాసుపత్రిలో చేరి వైద్య చికిత్స పొందవచ్చు కదా.? ‘కరోనా వైరస్.. వస్తుంది, పోతుంది.. ప్రత్యేకంగా చికిత్స ఏమీ లేదు.. పారాసిటమాల్ వేసుకుంటే సరిపోతుంది..’ అంటూ వైఎస్ జగన్ మోహన్రెడ్డి పలు మార్లు చెప్పిన విషయాన్నీ విజయసాయిరెడ్డి విషయంలో ఉటంకిస్తున్నారు చాలామంది నెటిజన్లు.
అరరె, విజయసాయిరెడ్డికి ఎంత కష్టమొచ్చింది.? విమర్శలు, నెటిజన్ల కామెంట్లను పక్కన పెడితే, విజయసాయిరెడ్డి త్వరగా కరోనా వైరస్ నుంచి కోలుకోవాలని కోరుకుందాం. గతంలో చేసిన ‘అతి’ కారణంగా ఆయన మీద ఈ తరహా విమర్శలు, సెటైర్లు పడుతున్నాయిగానీ.. ఆయనతో ఎవరికి మాత్రం వ్యక్తిగత వైరం వుంటుంది.?
714502 497224Maintain up the great piece of work, I read few posts on this internet web site and I think that your weblog is genuinely intriguing and holds bands of fantastic details. 120139
219415 144462Hey there, Can I copy this post image and implement it on my private internet log? 856558
717491 842853Exceptional read, I just passed this onto a colleague who was performing slightly research on that. And he actually bought me lunch because I found it for him smile So let me rephrase that. 786006