హైకోర్టు తీర్పు నేపథ్యంలో నిమ్మగడ్డ రమేష్కుమార్ ఇటీవల గవర్నర్ విశ్వభూషన్ హరిచందన్ని కలిసి తనను తిరిగి రాష్ట్ర ఎన్నికల కమిషనర్గా నియమించాలని విజ్ఞప్తి చేసిన విషయం విదితమే. నిమ్మగడ్డ విజ్ఞప్తిని సానుకూలంగా పరిశీలించిన గవర్నర్ విశ్వభూషణ్ హరిచందన్, నిమ్మగడ్డను తిరిగి రాష్ట్ర ఎన్నికల కమిషనర్గా నియమించాలంటూ రాష్ట్ర ప్రధాన కార్యదర్శి నీలం సాహ్నీని ఆదేశించారు .
కరోనా వైరస్ నేపథ్యంలో నిమ్మగడ్డ రమేష్కుమార్ స్థానిక ఎన్నికల ప్రక్రియను వాయిదా వేయడంతో ప్రభుత్వ పెద్దలకీ, నిమ్మగడ్డకీ మధ్య ‘గ్యాప్’ పెరిగింది. ఈ క్రమంలో స్వయంగా ముఖ్యమంత్రి వైఎస్ జగన్, నిమ్మగడ్డపై ‘సామాజిక వర్గం’ పేరుతో వ్యాఖ్యలు చేయడం రాజకీయంగా పెను దుమారం రేపింది. ఆ తర్వాత, ఎన్నికల సంస్కరణల పేరుతో నిమ్మగడ్డ పదవీ కాలాన్ని తగ్గించేందుకోసం ప్రత్యేక ఆర్డినెన్స్ కూడా తీసుకొచ్చింది జగన్ ప్రభుత్వం.
కొత్త ఎన్నికల కమిషనర్గా కనగరాజ్ని రాష్ట్ర ప్రభుత్వం నియమించింది కూడా. మరోపక్క, రాష్ట్ర ప్రభుత్వం తనను తొలగించేందుకు తీసుకొచ్చిన ఆర్డినెన్స్ చెల్లదంటూ నిమ్మగడ్డ, హైకోర్టును ఆశ్రయించారు. హైకోర్టులో నిమ్మగడ్డకు అనుకూలంగా తీర్పు రావడంతో, రాష్ట్ర ప్రభుత్వం.. సుప్రీంకోర్టును ఆశ్రయించాల్సి వచ్చింది. అయితే, సుప్రీంకోర్టులోనూ రాష్ట్ర ప్రభుత్వానికి చుక్కెదురయ్యింది.. హైకోర్టు తీర్పుపై ‘స్టే’ కోరినా పలుమార్లు సుప్రీంకోర్టు తిరస్కరించింది. అయితే, ఇంకా ఈ కేసు సుప్రీంకోర్టులో విచారణ దశలో వుందనుకోండి.. అది వేరే విషయం.
సుప్రీంలో విచారణ జరుగుతోంది గనుక, హైకోర్టు ఆదేశాల్ని అమలు చేయలేమని రాష్ట్ర ప్రభుత్వం భావిస్తోంటే, దాన్ని కోర్టు ధిక్కరణగా పరిగణించాల్సి వుంటుందంటూ నిమ్మగడ్డ హైకోర్టును ఆశ్రయించారు. హైకోర్టు సూచనతో నిమ్మగడ్డ, గవర్నర్ని కలవడం.. నిమ్మగడ్డను తిరిగి రాష్ట్ర ఎన్నికల కమిషనర్గా నియమించాలని గవర్నర్, రాష్ట్ర ప్రభుత్వానికి సూచించడంతో.. ఏ క్షణాన అయినా నిమ్మగడ్డ తిరిగి రాష్ట్ర ఎన్నికల కమిషనర్ పదవిలో కూర్చోవడం ఖాయంగానే కన్పిస్తోంది. ‘నిమ్మగడ్డ తిరిగొస్తే ఏం పీకుతాడు.?’ అని సాక్షాత్తూ ఓ మంత్రిగారే ఎగతాళి చేసిన నేపథ్యంలో.. నిమ్మగడ్డ, తిరిగి పదవిలోకి రావడం అనేది అత్యంత కీలక పరిణామంగానే భావించాల్సి వుంటుంది.
220056 24411After study a handful of the content material inside your internet website now, and that i genuinely such as your method of blogging. I bookmarked it to my bookmark internet website list and are checking back soon. Pls appear into my internet site as well and tell me what you believe. 600595
536393 669537I consider something genuinely particular in this internet site . 965871