భౌతికంగా సూపర్ స్టార్ కృష్ణ మన మధ్య లేకపోయి వుండొచ్చు. కానీ, తెలుగు సినిమా వున్నంత కాలం ఆయన ఏదో ఒక రూపంలో మనకి గుర్తుకొస్తూనే వుంటారు. ఎందుకంటే, తెలుగు సినిమాకి ఆయన అందించిన సేవలు అలాంటివి. ఏడాదికి ఓ సినిమా చేయడమే కనాకష్టమైపోయింది ఇప్పుడు స్టార్ హీరోలకి.
రెమ్యునరేషన్ల వెనుక పరుగులు పెడుతున్నారు. కాంబినేషన్ల కోసం కక్కుర్తి పడుతున్నారు. ఇదీ నేటి సినిమా.! కానీ, ఒకప్పుడు సినీ కళామతల్లికి ఏం సేవ చేయగలం.? అన్న దిశగా ఆలోచనలు జరిగేవి. ఏడాదిలో పదికి పైగా సినిమాలు చేసిన ‘హీరో’ ఆయన. ఔను, ఆయనే నెంబర్ వన్.! కృష్ణ డాన్సులు కొందరికి కామెడీ అనిపించొచ్చు. కానీ, తెలుగు తెరపై వన్ అండ్ ఓన్లీ సూపర్ స్టార్ ఆయన.
ఓ ‘అల్లూరి సీతారామరాజు’, ఓ సింహాసనం’.. చెప్పుకుంటూ పోతే, డజన్ల సంఖ్యలో తెలుగు సినిమా చరిత్రను తిరగరాసిన సినిమాలు సూపర్ స్టార్ కృష్ణ కెరీర్లో కనిపిస్తాయి. కృష్ణ అంటే నిర్మాతల హీరో.! ఈ తరం స్టార్ హీరోలలో అలాంటి ‘హీరో’ ఎవరున్నారు.? అని బూతద్దం పట్టుకుని వెతకాలి.
ఒక్క సినిమా హిట్టయితేనే ‘నేనే నెంబర్ వన్’ అని విర్రవీరేవారెక్కడ.. ఎంత ఎదిగినా ఒదిగి వుండే సూపర్ స్టార్ కృష్ణ ఎక్కడ.? వృద్ధాప్య సమస్యల కారణంగా ఆయన నటనకు దూరమయ్యారుగానీ.. ఓపిక వున్నంతవరకూ ఆయన సినిమాల్లో నటిస్తూనే వచ్చారు. ఆ డెడికేషన్ ఇప్పుడున్న హీరోల్లో ఎంతమందికి వుంది.?
‘రెస్ట్ ఇన్ పీస్ కృష్ణగారూ..’ అంటూ సోషల్ మీడియాలో కామెంటేసి చేతులు దులుపుకుంటోన్న చాలామంది ఈ తరం హీరోలు.. ఆయన ఎలా అంతెత్తుకు ఎదిగారో తెలుసుకోవాలి. ఒక్క సినిమాకే స్టార్ హీరోలైపోతే.. మూడొందల యాభైకి పైగా సినిమాల్లో నటించిన కృష్ణని ఏమనాలి.?
తెలుగు సినిమాకి సరికొత్త హీరోయిజం అద్దినవారిలో సూపర్ స్టార్ కృష్ణ ఒకరు. ఆయన నటించిన సినిమాల తాలూకు టైటిల్స్ రూపంలోనో, ఆయన చేసిన సినిమాల్లోని పాటల రీమిక్స్ల రూపంలోనో.. ఆయనెప్పుడూ తెలుగు ప్రేక్షకుల్ని పలకరిస్తూనే వుంటారు. సూపర్ స్టార్ కృష్ణ ఇక లేరని ఎలా అనగలం.!
498596 316641This is a great weblog. Keep up all of the work. I too really like to blog. This really is great everybody sharing opinions 962031
577512 45967I like you blog (dsol, je suis francais, je parle mal anglais) 712134