శ్రీకాంత్ అడ్డాల అంటే సెన్సిబుల్ దర్శకుడు అన్న పేరు ఉండేది. కొత్త బంగారు లోకం, ముకుంద, సీతమ్మ వాకిట్లో సిరిమల్లె చెట్టు, బ్రహ్మోత్సవం… ఇలా అడ్డాల తీసిన అన్ని చిత్రాలు కూడా క్లాస్ సినిమాలే. వెంకటేష్ తో చేసిన నారప్ప మాస్ చిత్రమే కానీ అది రీమేక్.
దీంతో శ్రీకాంత్ అడ్డాల మొదటి సారి తన ఇమేజ్ కు పూర్తి భిన్నంగా చేసిన పెదకాపుపై అంచనాలు భారీగానే ఉన్నాయి. ఈ చిత్రాన్ని రెండు భాగాలుగా ప్లాన్ చేసినట్లు మొదట వార్తలు వచ్చాయి. పెదకాపు 1 ఎల్లుండి విడుదల కానుంది. ఒక సామాన్యుడు రాజకీయాల్లోకి వచ్చి ఎలా ఎదిగాడు అన్నది చిత్ర కథాంశం. రెండో భాగం షూటింగ్ జనవరి నుండి మొదలవుతుంది.
అయితే మరో ఆసక్తికర విషయం ఏంటంటే పెదకాపు మూడో భాగం ఆలోచన కూడా శ్రీకాంత్ అడ్డాల వద్ద ఉందిట. కొత్త కుర్రాడు విరాట్ ఈ చిత్రంలో హీరో. భారీ బడ్జెట్ తో తెరకెక్కిన ఈ చిత్రంపై అంచనాలు బాగానే ఉన్నాయి.