ప్రియాంక కంటే శోభా శెట్టికి ఏం తక్కువ.? పదే పదే చీవాట్లు తింటూనే వున్న అమర్ దీప్ కంటే శోభా శెట్టి ఏ కోణంలో తక్కువగా కనిపించింది.? అర్జున్ హౌస్లోకి వచ్చిందే మధ్యలో.. అలాంటి వైల్డ్ కార్డ్ ఎంట్రీ కూడా, శోభా శెట్టి కంటే ఎక్కువ.. అని ఎలా అనగలం.? యావర్, శివాజీ, పల్లవి ప్రశాంత్.. వీళ్ళందరి కంటే శోభా శెట్టికే ఎక్కువ మార్కులు పడతాయ్.. ఎంటర్టైన్మెంట్ పరంగా అయినా, ఇంకే కోణంలో అయినా.!
కానీ, శోభా శెట్టిని నిర్దాక్షిణ్యంగా నిన్న హౌస్లోంచి బయటకు గెంటేశారు. తాను ఎలిమినేట్ అయిన విషయాన్ని తెలుసుకుని, శోభా శెట్టి ఒకింత దిగులు పడింది. అక్కడికక్కడ పెద్దగా బరస్ట్ అవలేదు. కానీ, హౌస్లోంచి బయటకు వచ్చి, స్టేజీ మీద నాగార్జున పక్కన నిల్చున్నాక.. పైగా, ‘బిగ్ బాస్ జర్నీ’ వీడియో ప్లే అయ్యాక శోభా శెట్టి ఒక్కసారిగా రోదిస్తూ కుప్పకూలిపోయింది.
శోభా శెట్టి అలియాస్ మోనిత మంచి నటి.! ఆ నటన శోభా శెట్టి బిగ్ బాస్లో వున్నంత కాలం అస్తమానూ ఆమెలో కనిపించేసేది.! ఏ ఎమోషన్ కూడా ‘రియల్’ అనిపించలేదనే విమర్శ వుంది. పాపం.. ఆమె మాత్రం ఏం చేయగలదు.? మ్యాన్యుఫాక్చరింగ్ డిఫెక్ట్.. అంటున్నారు శోభా శెట్టి అభిమానులు.
అసలు సమస్య అది కాదు.! చివర్లో శోభా శెట్టి ‘పీఆర్ టీమ్స్’ సరిగ్గా పని చేయలేదు. అమర్ దీప్ మాత్రం ఈ విషయంలో అందరికన్నా ముందున్నాడు. అనూహ్యంగా పల్లవి ప్రశాంత్ తరఫున కూడా పెద్దయెత్తున పీఆర్ టీమ్స్ పని చేస్తున్నాయి.
గతంలో బిగ్ హౌస్లో కంటెస్టెంట్లుగా వున్నోళ్ళు.. హౌస్లో తమకు నచ్చిన కంటెస్టెంట్లకు అనుకూలంగా బయట ప్రచారం చేస్తుండడం ఆసక్తికరమైన అంశం. గతంలో కూడా ఇలాంటివి జరిగినా, ఈసారి అవి చాలా చాలా ఎక్కువగానే కనిపిస్తున్నాయి.
మొత్తమ్మీద, గతంతో పోల్చితే, ప్రమోషన్స్ కోసమే ఈసారి కంటెస్టెంట్లు చాలా చాలా ఎక్కువ ఖర్చు చేయాల్సి వస్తోందట. ఇతర కంటెస్టెంట్లను ట్రోల్ చేయడం కూడా ఈసారి బాగా ఎక్కువైపోయింది. ఈ విషయంలో శోభా శెట్టి టీమ్ బాగా వెనుకబడిపోయింది. అదే ఆమె ఎలిమినేషన్కి కారణం.
Do you mind if I quote a couple of your posts as long as I provide credit and sources
back to your weblog? My blog site is in the very same area of
interest as yours and my users would really benefit from a
lot of the information you provide here. Please let
me know if this ok with you. Thanks!