వాన రాకడ.. ప్రాణం పోకడ తెలియదంటారు. వీటిలోకి రాజకీయాలు కూడా చేరాయ్. ఏ పార్టీలోకి ఎవరు ఎప్పుడు వస్తారో, ఎప్పుడు వెళతారో కూడా తెలియడంలేదు. ఏ పార్టీ ఎప్పుడు ఏ పార్టీతో పొత్తు పెట్టుకుంటుందో, ఏ పార్టీలో ఎప్పుడు చీలిక వస్తుందో కూడా అంతుబట్టడంలేదు. ప్రస్తుతం మహారాష్ట్ర రాజకీయాల్లో జరిగిన పరిణామాలు చూస్తే ఇది అర్థమవుతుంది. బీజేపీ, శివసేన కలిసి పోటీ చేశాయ్.. ఎన్సీపీ, కాంగ్రెస్, శివసేన కలిసి ప్రభుత్వాన్ని ఏర్పాటు చేయాలనుకున్నాయ్.. చివరకు బీజేపీ, ఎన్సీపీ కలిసి పగ్గాలు చేపట్టాయ్. ఈ మొత్తం వ్యవహారంలో తీవ్రంగా నష్టపోయింది శివసేన మాత్రమే.
బీజేపీతో కలిసి ఉంటే ఆ పార్టీకి కనీసం ఉప ముఖ్యమంత్రి పదవి దక్కేది.. కేంద్ర ప్రభుత్వంలోని బీజేపీ పెద్దల అండదండలూ ఉండేవి. కానీ సీఎం కావాలనే తలంపుతో సిద్దాంతాలకు విరుద్ధంగా కాంగ్రెస్, ఎన్సీపీలతో జతకట్టి ముందుకెళ్లడంతో ఇప్పుడు ఎటూ కాకుండా పోయింది. అటు అధికారమూ పోయింది.. అదనంగా ఇటు బీజేపీతో శతృత్వమూ వచ్చింది. మహారాష్ట్ర పరిణామాలతో కాంగ్రెస్ కు జరిగిన నష్టం ఏమీ లేదు.
ఆ పార్టీ ఎలాగూ ప్రతిపక్షంలోనే ఉండాలనుకుంది. కానీ ఎన్సీపీ అభ్యర్థనతో శివసేనకు మద్దతివ్వడానికి ముందుకొచ్చింది. ప్రస్తుతం శివసేన సర్కారు ఏర్పాటు కాకపోయినా కాంగ్రెస్ కు పోయిందేమీ లేదు. ఇక ఎన్సీపీ విషయానికొస్తే అంకెలాటలో కొంతమంది ఎమ్మెల్యేలు చేజారే అవకాశం కనిపిస్తోంది. ఇది ఆ పార్టీకి దెబ్బే అనడంలో ఎలాంటి సందేహం లేదు.
అయితే, ఈ మొత్తం వ్యవహారంలో ఎన్సీపీ ఏమైనా డబుల్ గేమ్ ఆడుతుందా అనే అనుమానాలు కూడా వ్యక్తమవుతున్నాయి. గతంలో కర్ణాటకలో కుమారస్వామి కాంగ్రెస్ తో చేతులు కలిపి గద్దెనెక్కినప్పుడు ఆయన తండ్రి దేవెగౌడ ఎలాంటి వైఖరి అనుసరించారో ఇప్పుడు పవార్ కూడా అలా వ్యవహరిస్తున్నారేమో అని పలువురు సందేహాలు వ్యక్తంచేస్తున్నారు.
ఇందులో నిజానిజాలను పక్కనపెడితే శివసేన మాత్రం రెంటికీ చెడ్డ రేవడిగా మిగిలిపోయిందనే అభిప్రాయాలు వ్యక్తమవుతున్నాయి. తమ సిద్ధాంతాలకు వ్యతిరేకంగా కాంగ్రెస్, ఎన్సీపీతో జట్టు కట్టడమే ఆ పార్టీ చేసిన మొదటి తప్పు అని అంటున్నారు. ఇది ఆ పార్టీపై జనాల్లో ప్రతికూల అభిప్రాయం రావడానికి కారణమవుతుందని విశ్లేషిస్తున్నారు. సీఎం పీఠం అధిరోహించాలనే తొందరలో బీజేపీని శివసేన చాలా తక్కువగా అంచనా వేసి భారీ మూల్యం చెల్లించుకుందని చెబుతున్నారు.
582342 90302I dugg some of you post as I thought they were quite beneficial invaluable 989939
925254 477173Why didnt I think about this? I hear exactly what youre saying and Im so pleased that I came across your weblog. You genuinely know what youre talking about, and you made me feel like I ought to learn more about this. Thanks for this; Im officially a huge fan of your blog 62971