Samantha : స్టార్ హీరోయిన్ సమంత గత ఏడాది కాలంగా షూటింగ్స్ కు దూరంగా ఉంటున్న విషయం తెల్సిందే. అనారోగ్య కారణం మరియు వరుసగా పని అవ్వడం వల్ల ఇబ్బందులు ఎదుర్కొన్న సమంత ఏడాది పాటు బ్రేక్ తీసుకుంటున్నట్లుగా ప్రకటించింది. అన్నట్లుగానే గత ఏడాది నుంచి ఏ సినిమాను కూడా చేయలేదు.
గత ఏడాది ఖుషి సినిమాతో ప్రేక్షకుల ముందుకు వచ్చిన ఈ అమ్మడు ఎట్టకేలకు షూటింగ్ ను మొదలు పెట్టింది. చాలా రోజులుగా చాలా మంది ఎప్పుడు షూటింగ్ మొదలు పెట్టబోతున్నారు అంటూ ప్రశ్నించారు. ఆ సమయం వచ్చేసింది అంటూ సమంత సోషల్ మీడియా ద్వారా ప్రకటించింది.
ఇన్ని రోజుల బ్రేక్ తర్వాత సమంత షూటింగ్ లో పాల్గొనబోతున్నట్లుగా అధికారికంగా ప్రకటించడం తో అభిమానులు ఆనందం వ్యక్తం చేస్తున్నారు. ఈ ఏడాదిలోనే సమంత కొత్త సినిమా వచ్చే అవకాశాలు ఉన్నాయి. అంతే కాకుండా సమంత సిటాడెల్ వెబ్‌ సిరీస్ తో కూడా ప్రేక్షకుల ముందుకు రాబోతుంది. రాబోయే రోజుల్లో సమంత ఫ్యాన్స్ కి కన్నుల పండుగ ఖాయం. తాజాగా మొదలు పెట్టిన సినిమా ఏ భాషలో అనేది మాత్రం సమంత క్లారిటీ ఇవ్వలేదు.