Samantha: నటనలో తనకు అల్లు అర్జున్ (Allu Arjun) స్ఫూర్తి అన్నారు స్టార్ హీరోయిన్ సమంత (Samantha). ఓ కాలేజీ ఫంక్షన్లో పాల్గొన్న సమంత స్టూడెంట్స్ అడిగిన ప్రశ్నలకు సమాధానాలు ఇచ్చారు. ఈక్రమంలో ఎదురైన ప్రశ్నకు ఆమె పై విధంగా సమాధానం ఇచ్చారు. మీకు నటనలో స్ఫూర్తి ఎవరు..? అని అడగగా.. ‘నటనలో నాకు అల్లు అర్జున్ స్ఫూర్తి. నటుడి నుంచి తానొక యాక్టింగ్ బీస్ట్ అయ్యారు. నటనలో పరిణితి చూపిస్తున్నారు. తనతో కలిసి మరోసారి పని చేయాలని చూస్తున్నా’నని అన్నారు.
సమంత వ్యాఖ్యలకు బన్నీ ఫ్యాన్స్ సంతోషం వ్యక్తం చేస్తున్నారు. సమంత మాట్లాడిన వీడియోను సోషల్ మీడియాలో వైరల్ చేస్తున్నారు. గతంలోనూ అల్లు అర్జున్ పై సమంత స్పందిస్తూ.. అతనొక సూపర్ హీరో అని అన్నారు. వీరిద్దరూ కలిసి త్రివిక్రమ్ దర్శకత్వంలో వచ్చిన సన్నాఫ్ సత్యమూర్తి సినిమాలో నటించారు. తర్వాత పుష్పలో అల్లు అర్జున్ తో స్పెషల్ సాంగ్ లో కలిసి నటించారు. పుష్ప-2లోనూ వీరిద్దరిపై ఓ సాంగ్ ఉంటుందనే వార్తలు వస్తున్నాయి.