Nivetha Pethuraj: నటుడు, మంత్రి ఉదయనిధి స్టాలిన్ (Udayanidhi Stalin) తనపై డబ్బులు ఖర్చు చేస్తున్నారంటూ తమిళ మీడియాలో వస్తున్న నిరాధార వార్తలపై ఆవేదన వ్యక్తం చేసింది హీరోయిన్ నివేదా పేతురాజ్. తప్పుడు వార్తలు రాసి తమ కుటుంబాన్ని ఇబ్బంది పెట్టొద్దని సోషల్ మీడియాలో పోస్ట్ చేశారు.
‘నా కోసం డబ్బులు ఖర్చు చేస్తున్నాని రాస్తున్నారు. అది నిజమో కాదో తెలుసుకుంటారనే ఇప్పటి వరకూ స్పందించలేదు. ఒక అమ్మాయి గురించి ఇలాంటి వార్తలు రాసేముందు మానవత్వంతో ఆలోచించాలి. జర్నలిజంలో ప్రొఫెషనలిజం.. ఉందనే నమ్ముతున్నా. అందుకే నేను న్యాయపరంగా వెళ్లడం లేదు’.
‘వచ్చిన సినిమా అవకాశాలనే సద్వినియోగం చేసుకుంటున్నా కానీ.. ఎవరినీ అవకాశాలను అడగటం లేదు. 16ఏళ్లుగా ఎన్నో కష్టాలను చూసి ఇక్కడికి వచ్చాను. 20ఏళ్లుగా దుబాయిలో అద్దె ఇంట్లోనే ఉంటున్నాం. సమాజంలో గౌరవప్రదంగా జీవిస్తున్నా. అసత్యాలతో నా కుటుంబాన్ని ఇబ్బంది పెట్టొద్దు. నాకు మద్దతిచ్చిన వారికి ధన్యవాదాల’ని పేర్కొన్నారు. మెంటల్ మదిలో, చిత్రలహరి, పాగల్, దాస్ కా దమ్కీ వంటి తెలుగు సినిమాల్లో నటించింది నివేధా పేతురాజ్.