ఎంతో ఉత్సాహంతో, అంచనాలతో కొన్ని సినిమాలు అనౌన్స్ అవుతాయి కానీ అవి వివిధ కారణాల వల్ల ముందుకి వెళ్లవు. అలా తెలుగులో ఈ మధ్య కాలంలో అనౌన్స్ అయి, ప్రస్తుతం ఎలాంటి ప్రోగ్రెస్ లేని చిత్రాల సంగతి చూద్దాం.
ముందుగా విజయ్ దేవరకొండ, పూరి జగన్నాథ్ ల కాంబినేషన్ లో అనౌన్స్ అయిన జెజిఎం. ఈ సినిమా షూటింగ్ కూడా మొదలుపెట్టారు కానీ లైగర్ దారుణమైన పరాభవాన్ని చవిచూడటంతో ఈ సినిమా అక్కడితోనే ఆగిపోయింది. అలాగే విజయ్ దేవరకొండ, గౌతమ్ తిన్ననూరి ప్రాజెక్ట్ పై కూడా ఏళ్ళు గడిచినా ఎలాంటి అప్డేట్ లేదు.
పవన్ కళ్యాణ్ హరిహర వీరమల్లు షూటింగ్ దాదాపుగా 80 శాతం పూర్తయింది. కానీ ఆ సినిమా చాలా నెలలుగా ఎలాంటి ప్రోగ్రెస్ లేకుండా ఉంది. అల్లు అర్జున్, కొరటాల శివ కాంబినేషన్ లో సినిమా అనౌన్స్మెంట్ దగ్గరే ఆగిపోయింది. అలాగే అల్లు అర్జున్, వేణు శ్రీరామ్ ల కాంబినేషన్ లో ఐకాన్ పరిస్థితి కూడా అంతే. బెల్లంకొండ శ్రీనివాస్ టైగర్ నాగేశ్వరరావు, కర్ణన్ రీమేక్ లు కూడా ముందుకి కదల్లేదు.
రవితేజ, గోపీచంద్ మలినేని కాంబినేషన్ లో నాలుగో చిత్రం కూడా అనౌన్స్ అయ్యి హోల్డ్ లో పడిపోయింది.