స్పెషల్ స్టోరీ: నిర్మాతలకి తలకి మించిన భారంలా మారిన మాస్ హీరో.!

‘టచ్ చేసి చూడు’, ‘నేల టికెట్టు’, ‘అమర్ అక్బర్ ఆంథోనీ’, ‘డిస్కో రాజా’ లతో బ్యాక్ టు బ్యాక్ ప్లాప్స్ అందుకున్న హీరో మాస్ మహారాజ్ రవితేజ. ఇన్ని ఫ్లాపుల తర్వాత తనని ఫాన్స్ చూడాలనుకునే జానర్లో గోపీచంద్ మలినేని డైరెక్షన్ లో చేస్తున్న సినిమా ‘క్రాక్’. 90% షూటింగ్ పూర్తిచేసుకున్న ఈ సినిమా కోవిడ్ పాండెమిక్ వలన వాయిదా పడింది. క్రాక్ అనే సినిమా బ్లాక్ బస్టర్ అయితే గానీ రవితేజ మార్కెట్ సెట్ కాదు.

ఇలాంటి తరుణంలో ఏ హీరో అయినా మార్కెట్ పరంగా రెమ్యునరేషన్ తగ్గించుకొని తన దగ్గరికి వచ్చే నిర్మాతకి సపోర్ట్ గా నిలుస్తాడు. కానీ రవితేజ మాత్రం నిర్మాతలకి తలకి మించిన భారంలా మారుతున్నాడు. అసలు విషయంలోకి వెళితే.. ఈ నాలుగు నెలల కాలంలో రవితేజ దాదాపు 6 సినిమాలకు గ్రీన్ సిగ్నల్ ఇచ్చాడు. కానీ ఏ సినిమా మొదట మొదలవుతుందో తెలియని పరిస్థితి. దానికి కారణం రవితేజ రెమ్యునరేషన్ రూపాయి కూడా తగ్గించుకోకపోవడం..

రాజా ది గ్రేట్ తర్వాత అమాంతం రెమ్యునరేషన్ పెంచేసి 10 కోట్లు డిమాండ్ చేస్తున్నారు. వరుసగా నాలుగు ప్లాప్స్ వచ్చినా ఇంకా అంతే రెమ్యునరేషన్ డిమాండ్ చేస్తున్నాడు. గ్రీన్ సిగ్నల్ ఇచ్చిన 5 సినిమాలకి సంబంధించి ఏ నిర్మాత అయితే తాను అడిగిన రెమ్యునరేషన్ ఇస్తారో వారికే సినిమా చేయడానికి డిసైడ్ అయ్యారు. కానీ ప్రస్తవుతాం రవితేజ మార్కెట్ కి, ఈ కరోనా పరిస్థితికి ఎవరూ అంత రెమ్యునరేషన్ ఇచ్చి సినిమా చేయడానికి సముఖతగా లేరు.

రీసెంట్ గా ‘అయ్యప్పనుమ్‌ కోశియుమ్’ రీమేక్ మల్టీ స్టారర్ కి కూడా ఈ రేంజ్ రెమ్యునరేషనడిగి నిర్మాత నాగ వంశీకి షాక్ ఇచ్చారు. మరి ఎవరు రవితేజ అడిగిన రెమ్యునరేషన్ ఇచ్చి సినిమా సెట్ చేసుకుంటారో చూడాలి. రవితేజ గ్రీన్ సిగ్నల్ ఇచ్చిన దర్శకుల లిస్ట్ – రమేష్ వర్మ, త్రినాథరావు నక్కిన, వక్కంతం వంశీ, మారుతీ, బివిఎస్ రవి మరియు ‘అయ్యప్పనుమ్‌ కోశియుమ్’ రీమేక్.