ప్రజారాజ్యం పార్టీ విషయంలో ఏం జరిగిందో చూశాం. చిరంజీవి ఎవర్నయితే బాగా నమ్మారో, వాళ్ళంతా ఆయనకు వెన్నుపోటు పొడిచారు. ఉన్నతమైన లక్ష్యంతో రాజకీయాల్లోకి వచ్చిన చిరంజీవి, ఈ రంగంలో ప్రజల కోసం ఎదుర్కొనాల్సిన పెను సవాళ్ళ కంటే వెన్నుపోట్లే ప్రమాదకరమైనవని తెలుసుకోవడానికి పెద్దగా టైమ్‌ పట్టలేదు. ప్రజా రాజ్యం పార్టీ కాంగ్రెస్‌లో విలీనవడం వెనుక అసలు కోణాలేమిటో పవన్‌ కళ్యాణ్‌ చాలా సందర్భాల్లో చెప్పారు. కొన్నాళ్ళు రాజకీయాల్లో యాక్టివ్‌గా వుండి, ఆ తర్వాత పూర్తిగా రాజకీయాలకు చిరంజీవి గుడ్ బై చెప్పేశారు.
ఇప్పుడు జనసేన పరిస్థితి ఏంటి? ప్రజారాజ్యం నుంచి పవన్‌ కళ్యాణ్‌ ఏం పాఠాలు నేర్చుకున్నారు? రాజకీయాల్లో సరికొత్త మార్పు కోసమంటూ జనసేన పార్టీని స్థాపించిన పవన్‌ కళ్యాణ్‌, తాజా ఎన్నికల ఓటమి తర్వాత ఎలాంటి పరిస్థితుల్ని ఎదుర్కోబోతున్నారు? అనే ప్రశ్నలు ఆయన అభిమానుల మెదళ్ళను తొలిచేస్తున్నాయి. అయితే, ప్రజారాజ్యం పార్టీ నుంచి పవన్‌ కళ్యాణ్‌ సరిగ్గా పాఠాలు నేర్చుకోలేదనే విషయం అర్థమవుతోంది. అందుకు ఉదాహరణ, మాజీ మంత్రి రావెల కిషోర్‌బాబు, జనసేన పార్టీని వీడటం.
అసలాయన్ను పార్టీలోకి చేర్చుకోవడమే పెద్ద తప్పిదమని అప్పట్లో జనసైనికులు భావించారు. ప్రత్యేక కారణాల రీత్యా పవన్‌, అప్పట్లో రావెల కిషోర్‌ విషయమై సానుకూల నిర్ణయం తీసుకున్నారు. అదిప్పుడు ఖరీదైన తప్పిదంగా మారింది. రావెల ఒక్కరే కాదు, ఇలాంటోళ్ళు ఇంకా పార్టీలో చాలామందే వున్నారన్నది జనసైనికుల అభిప్రాయం. అలాగని, పార్టీని వున్నపళంగా ప్రక్షాళన చేసేస్తే, జనంలోకి తప్పుడు సంకేతాలు వెళతాయి. ఇతర పార్టీల నుంచి నేతలు వచ్చేటప్పుడే, వారి విషయంలో ఒకటికి పదిసార్లు క్రాస్‌ చెక్‌ చేసుకోవాల్సి వుంటుంది.
ఎన్నికల ముందర చేరికలు, జంపింగులు, ఎన్నికల తర్వాత ఇలాంటి వెన్నుపోట్లు సర్వసాధారణమే. అయినాగానీ, జనసేన లాంటి పార్టీలకు ఇలాంటి వ్యవహారాలు కోలుకోలేని దెబ్బ తీస్తాయి. ‘గడచిన ఐదేళ్ళూ నీతివంతమైన రాజకీయాలు చేశాం.. ఇకపైనా చేస్తాం.. డబ్బు సంపాదించుకోవడానికి రాజకీయాలు చేయం.. ప్రజల కోసం రాజకీయాలు చేస్తున్నాం.. జనం కోసం కష్టపడేవారు వుండొచ్చు, వేరే రాజకీయ లక్ష్యాలతో వున్నోళ్ళు వెళ్ళిపోవచ్చు..’ అని సమీక్షల్లో నిర్మొహమాటంగా జనసేనాని చేస్తున్న వ్యాఖ్యలతోనే ఈ పరిస్థితి వస్తోందని అత్యంత విశ్వసనీయ వర్గాల సమాచారాన్ని బట్టి తెలుస్తోంది.
అయితే, రాజకీయ అవసరాలతో పార్టీలోకొచ్చినవారు, కోవర్టులుగా కొందరు.. తమ అవసరాలు నెరవేరవని భావించి, వచ్చిన పనైపోయిందనుకుని.. పార్టీని వదిలి వెళుతున్నారని జనసేన నేతలు అంటున్నారు. జనసేనకు రాజీనామా చేసిన వెంటనే, రావెల కిషోర్‌ – బీజేపీ రాష్ట్ర అధ్యక్షుడు కన్నా లక్ష్మినారాయణతో సమావేశమవడం గమనార్హం.
Related Posts
217877 455447I believe that a simple and unassuming manner of life is very best for everyone, greatest both for the body and the mind. 12573
418240 147848Wow you hit it on the dot we shall submit to Plurk in addition to Squidoo well done انواع محركات الطائرات | هندسة نت was wonderful 207473