వండర్ఫుల్ డైరెక్టర్ అండ్ టెక్నిషియన్ అనే స్థాయి నుంచి వివాదాలతో కాష్ చేసుకునే వ్యక్తి అనే స్థాయికి దిగజారిపోయిన దర్శకుడు రామ్ గోపాల్ వర్మ. దేశం మొత్తం కరోనాతో లాక్ డౌన్ లో పరిస్థితుల్లో ఉన్న సందర్భంలో ఆ కరోనా వైరస్ పైనే సినిమా చేసి సెన్సేషన్ క్రియేట్ చేసాడు. థియేటర్స్ లేని కారణంగా విడులా ఆలస్యం అయిన ఈ సినిమా నేడు థియేటర్స్ లో మరియు ఆర్జీవీ వరల్డ్ థియేటర్ లో రిలీజయింది. ఈ కరోనా వైరస్ ఎలా ఉందో ఇప్పుడు చూద్దాం..
కథ:
7 మంది కుటుంబ సభ్యులు కలిగిన ఓ మిడిల్ క్లాస్ కుటుంబానికి పెద్ద మన కె. ఆనంద్ రావు(శ్రీకాంత్ అయ్యంగర్). కరోనా కారణంగా లాక్ డౌన్ విధించినప్పటి నుంచి బయట ఉన్న పరిస్థితులను, టీవీల్లో వస్తున్న వార్తల్ని చూసి, సంబందం లేకుండా ప్రభుత్వాలు చెబుతున్న స్టేట్మెంట్స్, వాట్సాప్ లో వస్తున్న మెసేజెస్.. ఇలాంటి పలు విషయాల వల్ల ఆనంద్ రావు కుటుంబం మానసికంగా ఎలాంటి భయాలకు లోనైంది? ఆ భయం వల్ల వాళ్ళు చేసిన తప్పేంటి? వాళ్లలో వాళ్ళకి ఎలాంటి విభేదాలు వచ్చాయి? చివరికి ఆ కుటుంబం కరోనా బారిన పడిందా? లేదా అనేదే కథ.
తెర మీద స్టార్స్..
కరోనా వైరస్ సినిమాకి షో టాపర్ మాత్రం శ్రీకాంత్ అయ్యంగర్ నటననే చెప్పాలి. తన నటన వలనే ఆ కథ ఏదో మన ఇంట్లోనే జరుగుతున్నట్టు అనిపిస్తుంది. తన రియలిస్టిక్ నటనకి అందరూ శభాష్ అనాల్సిందే. హీరోగా కనిపించిన వంశీ చాగంటి కూడా చాలా బాగా చేశారు. ముఖ్యంగా క్లైమాక్స్ లో ఎమోషనల్ యాక్ట్ చాలా బాగుంది. సోనియా ఆకుల తన పాత్ర పరిధిమేర నటించారు. తెలుగు అమ్మాయి అయిన దక్షి గుత్తికొండ కూడా తన పాత్ర పరిధి మేరకు మెప్పించింది.
తెర వెనుక టాలెంట్..
కథ అందరికీ తెలిసిందే, అనుభవించిందే.. కరోనా వైరస్ అనౌన్స్ మెంట్ రాగానే దాని గురించి సరైన అవగాహన లేక ప్రతి ఇంట్లో పడిన భయాన్ని కళ్ళకి కట్టినట్లు చూపించే ప్రయత్నమే ఈ కరోనా వైరస్ కథ. కావున కథలో పెద్ద కిక్ ఉండదు. కథనంలో ఆ భయాన్ని క్రియేట్ చేయడంలో మొదట్లో సక్సెస్ అయ్యారు, కానీ కొంత సేపటి తర్వాత వచ్చే సీన్స్ మరియు వాటి రియాక్షన్స్ కామన్ అయిపోవడం వలన ఆధ్యంతం ఆసక్తిగా సాగలేదు. మళ్ళీ క్లైమాక్స్ లో ఎమోషనల్ టచ్ బాగానే అనిపిస్తుంది. డైరెక్టర్ అగస్త్య మంజు ఇంకా షార్ట్ గా చెప్పి ఉంటే చెప్పిందే మళ్ళీ చెప్తున్నారు అనే ఫీలింగ్ కలగకుండా ఉండేది. స్క్రీన్ ప్లే కూడా ఇంకా బెటర్ గా ఉండాల్సింది. కథలో వైఎస్ జగన్ చెప్పిన బ్లీచింగ్ పౌడర్, పారాసెటమాల్ పాయింట్ ని బాగా వాడారు.
విజువల్స్ బాగున్నాయి. ఒకే ఇంట్లో సినిమా మొత్తం ఫినిష్ చేసినప్పటికీ షాట్ మేకింగ్ బాగుండడం వలన ఆ ఫీల్ రాలేదు. డిఎస్ఆర్ మ్యూజిక్ కూడా ఓకే అనేలా ఉంది. సౌండింగ్ లో భయాన్ని బాగా క్రియేట్ చేశారు.
విజిల్ మోమెంట్స్:
– శ్రీకాంత్ అయ్యంగర్ నటన
– ఎమోషనల్ క్లైమాక్స్
– కరోనా పేరుతో భయాన్ని క్రియేట్ చేయడం
– వైఎస్ జగన్ స్టేట్మెంట్స్ పై వేసిన పంచ్
బోరింగ్ మోమెంట్స్:
– అందరికీ తెలిసిన కథ
– సెకండాఫ్ కథనం
– రిపీటెడ్ అనిపించే సీన్స్
– చెప్పలనుకున్న పాయింట్ ఓల్డ్ అయిపోవడం
విశ్లేషణ:
ఆర్జీవీ నిర్మాణ సారధ్యంలో, ఆయన సూచనలతో అగస్త్య మంజు డైరెక్ట్ చేసిన ‘కరోనా వైరస్’ సినిమా కంప్లీట్ గా బాగుంది అనలేం, ఆలా అని బాగోలేదు అని చెప్పలేం. మన నిజజీవితంలో జరిగిన సంఘటనలే కావడం, అందులో కొన్ని కనెక్ట్ అవ్వడం వలన జస్ట్ పరవాలేదు అనిపిస్తుంది. కరోనా లాక్ డౌన్ టైంలోనే ఈ సినిమా తీశారు. థియేటర్స్ కోసం కాకూండా అప్పుడే ఓటిటిలో రిలీజ్ చేసి ఉంటే ఈ సినిమా హిట్ అయ్యి ఉండేది, కానీ ఇప్పుడు పరిస్థితులు దాదాపు నార్మల్ స్టేజ్ కి వచ్చేసాక రిలీజ్ చేయడం వలన కాస్త ఓల్డ్ కంటెంట్ అనే ఫీలింగ్ వస్తుంది.
చూడాలా? వద్దా?: చూడటానికి ఏమీ లేకపోతె ట్రై చేయచ్చు.
తెలుగుబులెటిన్.కామ్ రేటింగ్ : 2/5
383716 62581I just added this webpage to my feed reader, great stuff. Cannot get enough! 460339
211722 839805Aw, this became an extremely nice post. In thought I would like to devote writing such as this moreover – taking time and actual effort to make a quite excellent article but exactly what do I say I procrastinate alot and by no indicates discover a way to get something completed. 252943
678709 80631I like this internet site because so much utile stuff on here : D. 851958
865095 889342I see which you are using WordPress on your blog, wordpress is the greatest. :~- 387091
848324 876626An extremely intriguing read, I could possibly not agree completely, but you do make some quite valid points. 319384