‘నాపై లోక్సభ స్పీకర్ ఓం బిర్లాకి వైఎస్సార్ కాంగ్రెస్ పార్టీ ఇచ్చిన డిస్ క్వాలిఫికేషన్ పిటిషన్ డిస్ క్వాలిఫై అవుతుంది. ఎంపీ పదవిని నా నుంచి ఎవరూ దూరం చేయలేరు..’ అంటూ ఇప్పటికే పలు మార్లు కుండబద్దలుగొట్టేసిన వైసీపీ రెబల్ ఎంపీ రఘురామకృష్ణరాజు, వైసీపీ జాతీయ ప్రధాన కార్యదర్శి విజయసాయిరెడ్డిపై సంచలన వ్యాఖ్యలు చేశారు.
‘ప్రస్తుతం నేను పార్లమెంటరీ స్టాండిగ్ కమిటీ (సబార్డినేట్ లెజిస్లేషన్) ఛైర్మన్ పదవిలో వున్నాను. నా నుంచి ఆ పదవిని దూరం చేయాలనే ఆలోచనతో పార్టీ పెద్దలు వున్నట్లు తెలుస్తోంది. వల్లభనేని బాలశౌరి ఆ పదవి కోసం ప్రయత్నిస్తున్నారు. అయితే, అది వైసీపీ ఇచ్చిన పదవి కాదు. బీజేపీ పెద్దలు ఇచ్చిన పదవి. ఒకవేళ పదవి కోసం బాలశౌరి ప్రయత్నాలు ఫలిస్తే, ఆటోమేటిక్గా విజయసాయిరెడ్డి పదవి పోవచ్చు. అంతే తప్ప, నా పదవికి వచ్చిన నష్టమేమీ లేదు..’ అంటూ తాజాగా ఓ ఇంటర్వ్యూలో రఘురామకృష్ణరాజు చేసిన వ్యాఖ్యలు రాజకీయ వర్గాల్లో ఆసక్తికరమైన చర్చకు తెరలేపాయి.
పార్టీకి వున్న ఎంపీల బలం ప్రకారం చూస్తే, ఒకే ఒక్క పదవి వస్తుంది. అది లోక్ సభ సభ్యుడికి ఇవ్వాలిగానీ, రాజ్యసభ సభ్యుడైన విజయసాయిరెడ్డకి ఆ పదవి ఇచ్చారు. ఇప్పుడు బాలశౌరి పోటీకి వస్తే, మరి విజయసాయిరెడ్డి పరిస్థితి ఏమవుతుందోనన్నది నర్సాపురం ఎంపీ అభిప్రాయంగా కన్పిస్తోంది. ‘పార్టీ పట్ల ఇప్పటికీ విధేయుడిగానే వున్నాను. కానీ, పార్టీ అధినేత వైఎస్ జగన్ మోహన్రెడ్డిని కొందరు తప్పుదోవ పట్టిస్తున్నారు..’ అన్నారు రఘురామకృష్ణరాజు. వైఎస్ రాజశేఖర్రెడ్డి తనకు అత్యంత సన్నిహితుడనీ, స్నేహానికి ప్రాణం ఇచ్చే వ్యక్తి రాజశేఖర్రెడ్డి అనీ, ఎవరైనా ఏదన్నా సలహా లేదా సూచన ఇస్తే, దాన్ని పరిశీలించే గొప్ప గుణం ఆయనలో వుందని రాజశేఖర్రెడ్డితో తనకున్న సన్నిహిత సంబంధాల గురించి చెప్పుకున్నారు నర్సాపురం ఎంపీ.
వైఎస్సార్ హయాంలో వచ్చిన ‘అభయ హస్తం’ పథకానికి పేరు తానే సూచించాననీ, ఆలోచన తనది అయినా ఆ పేరు తాలూకు క్రెడిట్ ముళ్ళపూడి వెంకటరమణగారిదని చెప్పారు రఘురామకృష్ణరాజు. ఇదిలా వుంటే, ఎట్టి పరిస్థితుల్లోనూ రఘురామకృష్ణరాజుపై అనర్హత వేటు పడుతుందని వైఎస్సార్ కాంగ్రెస్ పార్టీ ధీమా వ్యక్తం చేస్తోంది. ‘నర్సాపురం లోక్సభ నియోజకవర్గానికి ఉప ఎన్నిక వచ్చి తీరుతుంది’ అని వైసీపీ నేతలు కుండబద్దలుగొడ్తోన్న విషయం విదితమే.
813004 385497As I web site possessor I believe the content matter here is rattling magnificent , appreciate it for your hard function. You ought to maintain it up forever! Finest of luck. 718477
83156 80402You need to take part in a contest for among the best blogs on the internet. I will suggest this internet web site! 430205
426236 648216Now im encountering a fresh short difficulties Once i cant appear like allowed to sign up for the specific give food to, Now im utilizing search engines like google audience. 869477