వైసీపీ రెబల్ ఎంపీ రఘురామకృష్ణరాజు ఇటీవల రాజద్రోహం కేసులో అరెస్టవడం వెనుక కీలకంగా వినిపించిన పేరు ఏపీ సీఐడీ చీఫ్ సునీల్ కుమార్దే. సునీల్ కుమార్పై గతంలోనూ రఘురామ తీవ్రస్థాయిలో ఆరోపణలు చేశారు. ఓ పోలీస్ ఉన్నతాధికారి వ్యక్తిగత కక్షతో రఘురామ మీద కేసులు బనాయించారని అనుకోగలమా.? ఏమో, భ్రష్టుపట్టుపోయిన వ్యవస్థల నడుమ వున్నాం గనుక.. ఏదీ ఇలా జరగదేమో అనుకోవడానికి వీల్లేదు.
సరే, ఆ వ్యవహారంలో ఏది నిజం.? అన్నది కోర్టులు తేల్చాల్సి వుంది. ఇక, మాజీ ఐఏఎస్ అధికారి పీవీ రమేష్ సోదరి, సునీల్ కుమార్ సతీమణి అట. సునీల్ కుమార్కి కుటుంబ సమస్యలున్నాయట. భార్యతో పొసగడంలేదట. ఈ విషయాన్ని టీడీపీ అనుకూల మీడియా తెరపైకి తెచ్చింది. ఆ కారణంగానే రఘురామని అరెస్ట్ చేసిన అనంతరం రఘురామ మొబైల్ ఫోన్ నుంచి పీవీ రమేష్ కుటుంబ సభ్యులకు మెసేజ్లు పెడుతున్నారట. ఇదీ రఘురామ తాజా ఆరోపణ.
రఘురామ మొబైల్ నుంచి మెసేజ్లు వచ్చిన విషయాన్ని పీవీ రమేష్ స్వయంగా వెల్లడించారు ట్విట్టర్ ద్వారా. ఈ వ్యవహారంపై రఘురామ స్పందించారు. తన మొబైల్, ఏపీ సీఐడీ స్వాధీనం చేసుకుందని పేర్కొన్నారు. అంతేనా, తన మొబైల్ ఫోన్ విషయమై ఏపీ సీఐడీ చీఫ్కి లీగల్ నోటీసు కూడా పంపినట్లు రఘురామ వెల్లడించారు. చిత్రమేంటంటే, తన ట్వీటుకి రిప్లయ్ ఇచ్చినందుకు పీవీ రమేష్, రఘురామకి థ్యాంక్స్ చెప్పడం.
వైఎస్ జగన్ ప్రభుత్వంలో పీవీ రమేష్ సలహాదారుగా పనిచేసిన విషయం విదితమే. అసలేం జరుగుతోంది ఆంధ్రపదేశ్ రాష్ట్రంలో. ఓ కేసులో ఇన్ని మలుపులా.? రాజద్రోహం కేసులేంటి.? సీనియర్ ఐపీఎస్ అదికారి ఇంట్లో కుటుంబ తగాదాలేంటి.? దానికీ దీనికీ లింకులంటూ ప్రచారమేంటి.? మొబైల్ ఫోన్ పాస్వర్డ్ చెప్పాలంటూ తనను తీవ్రంగా కొట్టారన్నది రఘురామ అభియోగం. ఆ దెబ్బల తీవ్రతకు తట్టుకోలేక తాను పాస్వర్డ్ చెప్పానని కూడా రఘురామ అంటున్నారు.
మరోపక్క, ఆ మొబైల్ ఫోన్ విషయమై ఏపీ సీఐడీ ఇంకా స్పందించలేదు. వైసీపీ అనుకూల మీడియా మాత్రం, మొబైల్ ఫోన్ స్వాధీనం చేసుకున్నా, ఆ వివరాల్ని వెల్లడించాల్సిన అవసరం లేదంటూ.. మొబైల్ ఫోన్ స్వాధీనాన్ని కన్ఫామ్ చేస్తోంది. వామ్మో.. బీభత్సమైన థ్రిల్లర్ సినిమాల్లో కూడా ఇన్ని ట్విస్టులు వుండవేమో.
95981 913385Youll be able use all sorts of advised attractions with various car treatments. A quantity of sell traditional tools numerous demand families for almost any event for any investment district, or even for a holiday in new york. ???? ??? ?????? ????? 92060