టీడీపీపైనో, జనసేన పార్టీ పైనో విమర్శిస్తూ మాట్లాడాలంటే గుంపులు గుంపులుగా దూసుకొచ్చేస్తారు వైసీపీ నేతలు. అదే భారతీయ జనతా పార్టీని విమర్శించాలంటే మాత్రం ఒక్కరంటే ఒక్కరికీ ధైర్యం సరిపోవడంలేదు వైఎస్సార్ కాంగ్రెస్ పార్టీలో. ఇంతకీ, బీజేపీని విమర్శించడానికి వైఎస్సార్సాపీకి అంత భయమెందుకు.? ఏమోగానీ, ఈ ఒక్క ‘పాయింట్’ పట్టుకునే, వైసీపీ ఎంపీ రఘురామకృష్ణరాజు, సొంత పార్టీపై ‘తిరుగుబాటు బావుటా’ ఎగురవేశారన్న చర్చ రాజకీయ వర్గాల్లో జోరుగా సాగుతోంది.
‘నేను ముఖ్యమంత్రి పట్ల విధేయుడ్ని.. ఆయనంటే నాకు అపారమైన ప్రేమ, గౌరవం..’ అని రఘురామకృష్ణంరాజు చెబుతున్నా, తమ పార్టీ పట్ల, తమ ప్రభుత్వం పట్ల ఆయన వ్యవహారశౖలి అందరికీ అర్థమవుతూనే వుంది. ఇప్పటికే షోకాజ్ నోటీస్ అందుకున్న రఘురామకృష్ణరాజు, ఆ షోకాజ్ నోటీస్ జారీ చేసిన విజయసాయిరెడ్డికి ఏ స్థాయిలో కౌంటర్ ఇవ్వాలో.. ఆ స్థాయిలో ఇచ్చేసిన విషయం విదితమే. నిన్ననే ముఖ్యమంత్రి అపాయింట్మెంట్ కోరుతూ ఓ లేఖాస్త్రాన్ని కూడా సంధించారు రఘురామకృష్ణరాజు.
మరోపక్క, నిన్న ఓ ఆడియో సాంగ్ని ప్రధాని మోడీకి అనుకూలంగా వదిలిన రఘురామకృష్ణరాజు ఇప్పుడు ఏకంగా ఓ వీడియో సాంగ్ని కూడా విడుదల చేయడం గమనార్హం. బీజేపీకి ఆయన దగ్గరవుతున్నారనడానికి ఇంతకన్నా నిదర్శనం ఇంకేం కావాలి.? అయితే, రాజుగారి వాదన ఇంకోలా వుంది. ‘చైనా – భారత్ మధ్య నెలకొన్న ప్రత్యేక పరిస్థితుల నేపథ్యంలో ప్రధాని మోడీకి ఓ ఎంపీగా తాను అండగా వుండాల్సిన బాధ్యత వుందనీ.. అది భారతీయుడిగా తన బాధ్యత అనీ’ చెబుతున్నారు రఘురామకృష్ణంరాజు. ఆ మధ్య కొందరు వైసీపీ ఎమ్మెల్యేలు, మంత్రులు రఘురామకృష్ణరాజు మీద తూతూ మంత్రంగా విమర్శలు చేసి ఊరుకున్నారుగానీ, ఎక్కడా ఇంతవరకు బీజేపీని విమర్శించలేకపోయారు.
మరీ ముఖ్యంగా ట్విట్టర్లో చాలా యాక్టివ్గా వుండే విజయసాయిరెడ్డి, రఘురామకృష్ణరాజు ఎపిసోడ్పై ఒక్క ట్వీట్ కూడా వేయలేకపోవడం.. బీజేపీ పట్ల ఆయనకున్న భక్తికి నిదర్శనమా.? భయానికి నిదర్శనమా.? అన్న చర్చ రాజకీయ వర్గాల్లో జరుగుతోంది. వైసీపీ గనుక బీజేపీని విమర్శించడం మొదలు పెడితే, ఆ తర్వాత అసలు సిసలు యాక్షన్ షురూ చేయాలని బీజేపీ అధిష్టానం కూడా భావిస్తోందట. అది తెలుసుగనకనే బీజేపీ విషయంలో వైసీపీ కిమ్మనకుండా ‘కుక్కిన పేనులా’ వ్యవహరిస్తోందన్నది రాజకీయ విశ్లేషకుల అభిప్రాయం.
968715 396146Hi, you used to write excellent posts, but the last several posts have been kinda boring I miss your excellent posts. Past few posts are just slightly bit out of track! 198358
706346 308060Some actually wonderful information , Gladiola I discovered this. 682203
351844 857073I actually like your writing style, great info , thankyou for putting up : D. 288241
431982 18537This plot doesnt reveal itself; it has to be explained. 281172