Pawan Kalyan: పవర్ స్టార్ పవన్ కళ్యాణ్( Pavan Kalyan) పొలిటికల్ ఫ్యాన్స్ కంటే సినీ ఫ్యాన్స్ ఎక్కువ ఖుషిగా ఉన్నారు. ఈ మధ్యకాలంలో ఆయన సినిమాలకు సంబంధించిన వరుస అప్డేట్లు సోషల్ మీడియాలో సందడి చేస్తున్నాయి. ప్రస్తుతం ఆయన చేతిలో నాలుగు సినిమాలు ఉన్నాయి.
క్రిష్ దర్శకత్వంలో ‘హరిహర వీరమల్లు’ షూటింగ్ పార్ట్ దాదాపుగా పూర్తయింది. సముద్రఖని( Samuthirakani) దర్శకత్వంలో వస్తున్న ‘బ్రో’ కూడా క్లైమాక్స్ కి చేరుకుంది. ఇక తన దృష్టి అంతా ‘ఉస్తాద్ భగత్ సింగ్’, ‘ఓజీ’ చిత్రాల మీదే పెట్టనున్నారు. వీటిలో రెండు సినిమాలు ఈ ఏడాదిలోనే విడుదల కానున్నాయి. సాయిధరమ్ తేజ్( Sai Dharam Tej) తో పవర్ స్టార్ కలిసి నటిస్తున్న ‘బ్రో( BRO) జూలై 28న ప్రేక్షకుల ముందుకు రానుంది. సుజిత్ దర్శకత్వంలో వస్తున్న ‘ఓజీ( OG)’ ఈ ఏడాది డిసెంబర్ లో థియేటర్లలో సందడి చేయనుంది.
పవన్ నటిస్తున్న నాలుగు సినిమాలపై భారీ అంచనాలే ఉన్నాయి. ‘హరిహర వీరమల్లు’ తుదిమెరుగులు దిద్దుకుంటుంది. ఈ సినిమా వచ్చే ఏడాది మొదట్లో విడుదల అయ్యే అవకాశం ఉంది. ఇక ‘ఉస్తాద్ భగత్ సింగ్’ కూడా దాదాపుగా వేసవికి ముందే విడుదల చేసేందుకు ప్లాన్ చేస్తున్నట్లు తెలుస్తోంది. ఇలా ఓవైపు మూవీ అప్డేట్లు మరోవైపు సినిమా రిలీజ్ లతో 2023 సెకండాఫ్ మొత్తం పవన్ హవా నడవనుంది.