ఓపెన్ ఎటాక్ విత్ రాకీ.. ‘కిరోసిన్ కిట్టూ’కి బతికుండగానే పోస్టుమార్టమ్.!

ఓపెన్ హార్ట్ సర్జరీ.. అత్యంత కర్కశంగా, పాశవికంగా చేస్తే ఎలా వుంటుంది.? కొన్నికొన్నిసార్లు అలా చెయ్యాల్సిందే తప్పదు. జర్నలిజం ముసుగులో జనమ్మీద పడి కులం పేరుతో, మతం పేరుతో విషం చిమ్మే మీడియా సంస్థల్ని, ఆ మీడియా సంస్థల్ని నడిపే దుష్ట శక్తుల్నీ అలాగే ఏకిపారెయ్యాలి.. బతికుండగానే పోస్టుమార్టమ్.. అంటే ఇదిగో.. ఇలాగే వుంటుందేమో.

కిరసనాయిలు కిట్టూ.. అలియాస్ రాకీ.. ‘తెరిచిన హృదయం’ అదేనండీ ఓపెన్ హార్ట్.. అంటూ చెత్త చెత్త వ్యవహారాలన్నిటినీ ప్రస్తావిస్తుంటాడు. ఈ క్రమంలో ఓ వెకిలి నవ్వు నవ్వుతుంటాడు. గురివింద నైజాన, ‘ముడ్డికింద నలుపు’ని (తప్పడంలేదు ఇలాంటి పదాలు వాడే విషయంలో.. అవతలి వ్యక్తి అలాంటోడు మరి..) దాచేశాననుకుని, ప్రపంచంలో లేని నలుపుని వెతుక్కుంటాడు కిరసనాయిలు కిట్టు. పూల కుండీల్లో కెమెరాలట.. ఇంట్లో రంకు బాగోతాలట.. జర్నలిజం ముసుగులో తన ‘ఛానెల్’లో పనిచేసే మహిళా ఉద్యోగినుల పట్ల అసభ్యకరమైన ప్రవర్తన అట.. సిగ్గూ శరం లేదా.? అని కళ్యాణ్ దిలీప్ సుంకర కడిగి పారేస్తోంటే.. ‘రాకీ’కి సిగ్గెయ్యలేదు. ఎందుకంటే, సిగ్గెప్పుడో వదిలేశాకనే పత్రిక, ఛానల్ అధినేత అయ్యాడు మరి.

చిరంజీవి అన్నా, పవన్ కళ్యాణ్ అన్నా అస్సలు పడదు ఈ కిరసనాయిలు కిట్టు..కి. అందుకే, రాకీ పేరుతో కిట్టు..ని కడిగి పారేయాల్సి వస్తోంది దిలీప్ కళ్యాణ్ సుంకరకి. గతంలో జనసేన పార్టీ తరఫున పనిచేసిన దిలీప్, ప్రస్తుతం ఆ పార్టీకి భౌతికంగా దూరంగా వున్నా, ఆ పార్టీ భావజాలాన్ని అలాగే గుండెల్లో కాపాడుకుంటున్నారు.. పవన్ మీదా, చిరంజీవి మీదా ఆయనకున్న అభిమానమూ అలాగే వుంది.

నిజానికి, దిలీప్ లాంటోళ్ళు వందల మంది వేల మంది వున్నారు. వాళ్ళంతా ఇలాగే మాట్లాడటం మొదలెడితే, మెగా కాంపౌండ్ మీద ఏడ్చి చచ్చేవాళ్ళిక తలెత్తుకు తిరిగే పరిస్థితి వుండదు. పచ్చ మీడియా పెద్దల ‘రంకు బాగోతాల’ గురించి మాట్లాడటం షురూ చేస్తే.. ఇంకేమన్నా వుందా.? పచ్చ మీడియాకి ఈ ‘ఓపెన్ ఎటాక్’ కనువిప్పు కావాలి. పచ్చ మీడియాకి మాత్రమే కాదు, బులుగు మీడియాకి కూడా ఇదొక హెచ్చరిక అవ్వాలి.

పచ్చ మీడియాకి ఏమాత్రం తగ్గకుండా బులుగు మీడియా కూడా సిగ్గొదిలేసింది. ఆ మాటకొస్తే, పవన్.. చిరంజీవి విషయంలో చెత్త రాతలు ప్రచారం చేయడంలో పచ్చ మీడియాని మించిపోయింది బులుగు మీడియా. పచ్చ మీడియాని భలేగా తిట్టాడే.. అంటూ బులుగు మీడియా కళ్యాణ్ దిలీప్ సుంకర ఓపెన్ ఎటాక్ గురించి చెప్పుకుంటోందిగానీ, పోస్టుమార్టమ్.. రెండు గురువింద మీడియా వ్యవస్థలకీ కలిసే జరిగిందన్నది అసలు సత్యం.