Jr Ntr: జూనియర్ ఎన్టీఆర్ (Jr Ntr) ప్రస్తుతం కొరటాల శివ దర్శకత్వంలో తెరకెక్కుతున్న దేవర (Devara) తో బిజీగా ఉన్నారు. రెండు భాగాలుగా తెరకెక్కుతున్న సినిమాపై అభిమానుల్లో అంచనాలు ఎక్కువగా ఉన్నాయి. ఇప్పుడు అభిమానులను ఉత్సాహపరిచే మరో న్యూస్ వైరల్ అవుతోంది. ఎన్టీఆర్ బాలీవుడ్ (Bollywood) బడా ప్రాజెక్ట్ కు ఓకే చేసిన విషయం తెలిసిందే.
హృతిక్ (Hrithik Roshan) తో కలిసి వార్ 2 (War 2) సినిమా చేయనున్నారు. ఇప్పుడీ సినిమాను కూడా దేవరతోపాటు చేయనున్నారని తెలుస్తోంది. డిసెంబర్ నెలాఖరు నుంచి వార్ 2 షూటింగ్ మొదలుకాబోతోందని సమాచారం. ఇందుకు ఎన్టీఆర్ డేట్స్ కేటాయించారని కూడా అంటున్నారు. జనవరి నుంచి ఎన్టీఆర్ షూటింగ్ లో పాల్గొననుట్టు తెలుస్తోంది.
అయాన్ ముఖర్జీ దర్శకత్వం వహిస్తున్న ఈ సినిమాను యాష్ రాజ్ ఫిలిమ్స్ తెరకెక్కిస్తోంది. సినిమాలో ఎన్టీఆర్ పాత్రకు డిఫరెంట్ షేడ్స్ ఉంటాయని తెలుస్తోంది. 2025లో వార్ 2 ప్రేక్షకుల ముందుకు రానుంది. దేవర సినిమా షూటింగ్ మొదటి భాగం డిసెంబరుతో పూర్తవుతుందని.. షూటింగ్ శరవేగంగా జరుగుతోందని తెలుస్తోంది. జాన్వీ కపూర్ హీరోయిన్.