‘1978లో వాజ్పేయి ప్రధానిగా వున్నప్పుడు..’ అంటూ నారా లోకేష్ తప్పులో కాలేశారు విశాఖలో నిర్వహించిన ఎన్నికల ప్రచారం సందర్భంగా. 1978 లో ప్రధాని వాజ్పేయి కాదని పక్కనున్న టీడీపీ నేతలు చెప్పడంతో, లోకేష్.. తన వ్యాఖ్యల్ని సవరించుకోవాల్సి వచ్చింది. ఇలాంటి సవరణలు ఆయన ప్రసంగాల్లో చాలానే చూశాం.
‘టీడీపీకి వేరే శతృవు అవసరం లేదు.. నారా లోకేష్ ప్రసంగాలే టీడీపీని ముంచేస్తాయి..’ అన్న విషయం 2019 ఎన్నికల్లోనే నిరూపితమయ్యింది. రాజకీయ నాయకుల ప్రసంగాలకు జనం చప్పట్లు కొట్టడం అనేది గతంలోనూ వుంది.. ఇప్పుడూ వుంది. తేడా ఏంటంటే, రాజకీయ నాయకులు ఏం మాట్లాడుతున్నారో తెలుసుకోవడానికి గతంలో జనం వచ్చేవారు. ఇప్పుడు తాము ఏం మాట్లాడినా లెక్క చేయకుండా చప్పట్లు కొట్టేవారిని రాజకీయ పార్టీలు తీసుకొస్తున్నాయి.. అంతే తేడా.
లోకేష్ వ్యవహారంపై సోషల్ మీడియాలో విపరీతమైన ట్రోలింగ్ జరుగుతోంది. అదే సమయంలో, ముఖ్యమంత్రి వైఎస్ జగన్ పేరు కూడా తెరపైకొస్తోంది. జగన్ పేరు చుట్టూ కూడా ట్రోలింగ్ మొదలైంది. వైఎస్ జగన్ పలు సందర్భాల్లో దొర్లించిన తప్పుల్ని తెలుగుదేశం పార్టీకి చెందిన నెటిజన్లు ప్రస్తావిస్తున్నారు. అలా అసలు విషయం పక్కకుపోయి, అడ్డగోలు చర్చకు సోషల్ మీడియా వేదికవుతోంది.
ఇక, తాను మంత్రిగా వున్నప్పుడు విశాఖను ఉద్ధరించేశానని నారా లోకేష్, విశాఖ లో నిర్వహించిన ఎన్నికల ప్రచారంలో సెలవిచ్చారు. కరోనా సమయంలో కూడా ఆయా సంస్థలు (తమ హయాంలో ఏర్పాటైనవి) అద్భుతమైన సేవలందించాయన్నారు. విశాఖ మేయర్ పదవి టీడీపీకే దక్కతుందనీ నారా లోకేష్ బల్లగుద్ది మరీ చెప్పేశారు. ‘బస్తీ మే సవాల్..’ అంటూ అధికార పార్టీపై ఎడాపెడా విమర్శలు చేసేశారు నారా లోకేష్. స్టీలు ప్లాంటు ప్రైవేటీకరణ వివాదం, విశాఖ రైల్వే జోన్ సహా పలు అంశాలు గ్రేటర్ విశాఖ ఎన్నికల్లో రాజకీయ పార్టీలకు ‘అస్త్రాలుగా’ మారినప్పటికీ, అవెంతవరకు ఈ ఎన్నికల్లో ప్రభావం చూపుతాయి.? ప్రజల్ని ఆలోచింపజేస్తాయి.? అన్నది ప్రస్తుతానికైతే మిలియన్ డాలర్ల ప్రశ్నే.
కాగా, విపక్షాలకు ఈ ఎన్నికలు చావో రేవో అన్నట్టుగా తయారైనా, అధికార పార్టీ మాత్రం తన అంగ, అర్థ బలంతో అడ్డగోలు ఏకగ్రీవాలతో పండగ చేసుకుంటోన్న విషయం విదితమే. ఈ నేపథ్యంలో ముఖ్యమంత్రి జగన్ ఎన్నికల ప్రచారానికి వచ్చే అవకాశమే కన్పించడంలేదు. వస్తే మాత్రం, లోకేష్ తరహాలో కొన్ని ఆణిముత్యాలైనా జనానికి దొరుకుతాయ్.
939878 527889Can I just now say that of a relief to locate somebody who truly knows what theyre speaking about online. You really know how to bring a difficulty to light and function out it crucial. The diet want to see this and appreciate this side on the story. I cant believe youre no much more popular since you surely possess the gift. 95989
889945 683259Utterly composed topic material , thanks for selective data . 118619
613915 416078Its remarkable what supplementing can do for your body and your weight lifting goals! 183750