స్టార్ ప్రొడ్యూసర్ అయిన ఎంఎస్ రాజు తూనీగా తూనీగా సినిమా తర్వాత మరోసారి మెగాఫోన్ పట్టుకొని డైరెక్ట్ చేసిన సినిమా ‘డర్టీ హరి’. శ్రవణ్ రెడ్డి హీరోగా పరిచయం అవుతూ చేసిన ఈ సినిమాలో రుహాని శర్మ, సిమ్రత్ కౌర్ హీరోయిన్స్ గా నటించారు. థియేటర్స్ స్కిప్ చేసుకున్న ఈ సినిమా ఫ్రైడే మూవీస్ ఏటిటి ద్వారా రిలీజయింది. చాలా టెక్నికల్ ప్రాబ్లెమ్స్ తర్వాత ఆలస్యంగా రిలీజయిన ఈ సినిమా ఎలా ఉందో ఇప్పుడో చూద్దాం..
కథ:
ఒక చిన్న టౌన్ నుంచి కెరీర్లో మంచి పొజిషన్ కి వెళ్లి రాజులా బ్రతకాలనే ఉద్దేశంతో హైదరాబాద్ వస్తాడు హరి(శ్రవణ్ రెడ్డి). చాలా తక్కువ రోజుల్లోనే అతనికి రిచ్ గర్ల్ అయిన వసుధ(రుహని శర్మ)తో పరిచయం, ప్రేమ, పెళ్లి అన్ని చకచకా జరిగిపోతాయి. కానీ అదే టైంలో వసుధ అన్నయ్య ఆకాష్ గర్ల్ ఫ్రెండ్ అయిన జాస్మిన్(సిమ్రత్ కౌర్) పై మనసు పడతాడు, తనతో ఇల్లీగల్ రిలేషన్ షిప్ పెట్టుకుంటాడు. ఇక అక్కడి నుంచీ తన జీవితంలో వచ్చిన సమస్యలేమిటి? తను తీసుకున్న రాంగ్ డెషిషన్స్ ఎలాంటి ఇబ్బందులు తెచ్చిపెట్టాయి? చివరికి వాటి నుంచి బయటపడ్డాడా? లేదా అన్నదే కథ.
తెర మీద స్టార్స్..
శ్రవణ్ రెడ్డికి ఇది మొదటి సినిమా కానీ నటన పరంగా ఆకట్టుకున్నాడు. విలనీ షేడ్స్, డెస్పరేట్ షేడ్స్ మరియు సెటిల్ హావభావాలను బాగా పలికించాడు. సింపుల్ గర్ల్ గా రుహని శర్మ పాత్రలో మెప్పించడమే కాకుండా ఎమోషనల్ ఎక్స్ ప్రెషన్స్ బాగా పలికించింది. ఇక సినిమాకి మెయిన్ అట్రాక్షన్ గా నిలిచిన సిమ్రత్ కౌర్ హాట్ లుక్స్ తో, రొమాంటిక్ సీన్స్ లో యువతని పిచ్చెక్కించిందనే చెప్పాలి. అలాగే ఫ్రస్ట్రేషన్ షేడ్స్ ని, జలస్ ఫీలింగ్స్ ని పర్ఫెక్ట్ గా పలికించింది. ఫ్రెండ్ పాత్రలో మహేష్ ఓకే అనిపించాడు.
తెర వెనుక టాలెంట్..
సూపర్ హిట్ సినిమా కథలను జడ్జ్ చేసిన ఎంఎస్ రాజు ఈ సినిమా కోసం రాసుకున్న ఈ కథలో యూత్ ని అట్రాక్ట్ చేసే హాట్ సీన్స్, హీరోయిన్ గ్లామర్, బోల్డ్ డైలాగ్స్ మరియు కాచీ టైటిల్ ఇలా అన్నీ సెట్ అయ్యాయి కానీ కథతో మాత్రం అంత కనెక్ట్ చేయలేదు. ఒక దురాశపరుడైన హీరో, చాలా తెలివైన వాడిగా ఎస్టాబ్లిష్ చేస్తారు కానీ చివరికి వచ్చేసరికి తెలివి తక్కువ వాడిలా బిహేవ్ చెయ్యడం వలన క్యారెక్టర్ తో కనెక్షన్ మిస్ అయిపోతాం. కేవలం గ్లామర్ అడ్డుగా పెట్టుకొని ఓ ఎమోషనల్ మర్డర్ స్టోరీ చెప్పాలనుకున్నారు, కానీ కథనంలో ఎక్కడా సస్పెన్స్ లేకుండా సప్పగా సాగడం వలన, ఎమోషనల్ కనెక్షన్ మిస్ అవ్వడం వలన బోర్ కొడుతుంది. సినిమా టెంపో స్పీడ్ అవ్వాలి కానీ చివరికి వచ్చేస్తున్నా సాగుతూనే ఉంటుంది. ఒక గంట 57 నిమిషాల సినిమా ఎంతకీ అవ్వదేంటి అనే ఫీలింగ్ కలిగిస్తుంది. కేవలం చివర్లో చేసిన తప్పుకు వేసిన శిక్ష పాయింట్ కాస్త బెటర్ గా అనిపిస్తుంది. ఓవరాల్ గా కథ – కథనాలు బిగ్గెస్ట్ మైనస్.. హాట్ సీన్స్ అండ్ డైలాగ్స్ మినహాయిస్తే సినిమాలో చూడాలి అని ఆసక్తి క్రియేట్ చేసే అంశాలు ఏమీ లేవు. నటీనటుల పెర్ఫార్మన్స్ పరంగా ఓకే కానీ ప్రేక్షకులకు కనెక్ట్ అయ్యేలా మాత్రం డైరెక్ట్ చేయలేకపోయారు.
బాల్ రెడ్డి సినిమాటోగ్రఫీ మాత్రం చాలా బాగుంది. ఆ విజువల్స్ కి తగ్గట్టుగానే మార్క్ ఎస్ రాబిన్ మ్యూజిక్ కూడా బాగుంది. జునైద్ ఎడిటింగ్ బాగా స్లోగా అనిపిస్తుంది. ఆర్ట్ వర్క్ అండ్ ప్రొడక్షన్ వాల్యూస్ బాగా రిచ్ గా ఉన్నాయి.
విజిల్ మోమెంట్స్:
– యూత్ ని అట్రాక్ట్ చేసే హాట్ సీన్స్
– సిమ్రత్ కౌర్ గ్లామర్ డోస్ అండ్ డైలాగ్స్
– విజువల్స్
బోరింగ్ మోమెంట్స్:
– కథలో హిట్స్ సీన్స్ తప్ప కంటెంట్ లేకపోవడం
– పరమ బోరింగ్ కథనం
– బెటర్ గా ఉండాల్సిన హరి పాత్ర డిజైన్
– నో ఎంటర్టైన్మెంట్, నో సస్పెన్స్
– పాత్రలతో కనెక్ట్ అవ్వకపోవడం
– ఎమోషనల్ కనెక్షన్ మిస్ అవ్వడం
విశ్లేషణ:
‘డర్టీ హరి’ ఈ మూవీ టైటిల్ కి తగ్గట్టుగానే సినిమాలో డర్టీ సీన్స్ ఉన్నాయి, కానీ సినిమాకి కావాల్సిన కంటెంట్ మాత్రం లేదు. హీరో పాత్రని సరిగా డిజైన్ చేయకపోవడం వలన సినిమా కథ, కథనాల దగ్గరే సరిగా షేప్ అవ్వలేదు. దాంతో తెరపైకి వచ్చేప్పుడు కూడా అంతే బోరింగ్ గా రీచ్ అయ్యింది. ముఖ్యంగా కథలో ఎవరి ఎమోషన్ ఆడియన్స్ కి కనెక్ట్ అవ్వదు. ఓవరాల్ గా డర్టీ లో డర్టీనే ఉంది తప్ప మేటర్ లేదు.
చూడాలా? వద్దా?: నాలుగు డర్టీ సీన్స్ కోసం అవసరమా?
తెలుగుబులెటిన్.కామ్ రేటింగ్ : 2/5