చీర కట్టుకున్నోళ్ళంతా ఓడిపోయినోళ్ళేనా.? మంత్రి అయ్యాక వైసీపీ నేత, నగిరి ఎమ్మెల్యే రోజా కొత్త రాజ్యాంగం రచించినట్టున్నారు. కొడుకు నారా లోకేష్‌ని ఎమ్మెల్యేని చెయ్యలేకపోయారు గనుక, టీడీపీ అధినేత నారా చంద్రబాబునాయుడు చీర కట్టుకోవాలట. ఎమ్మెల్యేగా గెలవలేకపోయారు గనుక నారా లోకేష్ చీర కట్టుకోవాలట.
ఆంధ్రప్రదేశ్ రాజకీయాలు ఎటువైపు నడుస్తున్నాయి.? ఓ మహిళ అయి వుండి, తెలుగు సంప్రదాయ వస్త్రధారణ విషయంలో మహిళలకు ప్రత్యేకమైన గుర్తింపునిచ్చే చీరని ఇంతలా అవమానించడమా.? మంత్రి రోజా దృష్టిలో చీర కట్టుకోవడమంటే ఓడిపోయినట్టే. అది కూడా ఆమె చీరకట్టులో వుండగానే తీర్మానించేశారు. ఏం దౌర్భాగ్యం పట్టింది ఆంధ్రప్రదేశ్ రాష్ట్రానికి.
రాజకీయాల్లో రాజకీయ విమర్శలు చేసేది ఇలాగేనా.? టీడీపీ అధినేత చంద్రబాబుని వైసీపీ నేత హోదాలో రోజా ఎలాగైనా విమర్శించుకోవచ్చుగాక. కానీ, ఆమె ఇప్పుడు మంత్రి. మహిళా లోకం సిగ్గుపడేలా, పురుషులు చీరకట్టుకోవాలని రోజా ఉచిత సలహా ఇవ్వడమేంటి.?
రాజకీయాల్లో గెలుపోటములు సహజం. వైసీపీలోనూ 24 మంది ఎమ్మెల్యే అభ్యర్థులు 2019 ఎన్నికల్లో ఓడిపోయారు. వాళ్లందరి చేతా చీర కట్టించి జనంలోకి రోజా తీసుకు రాగలరా.? అన్న ప్రశ్న సహజంగానే ఉత్పన్నమవుతుంది.
కొడుకుని గెలిపించుకోలేనందుకు చంద్రబాబు చీరకట్టుకోవాలట. మరి, తల్లిని గెలిపించుకోలేని వైఎస్ జగన్ కూడా అదే పని చేయాలా.? అని టీడీపీ నుంచి ప్రశ్న వస్తే, దానికి మంత్రి రోజా ఏం సమాధానమిస్తారు.? మంత్రి అవకముందే రోజా ఒకింత పద్ధతిగా మాట్లాడేవారేమో.! మంత్రి పదవి అంటే, నోటికొచ్చింది మాట్లాడటానికి తప్ప, పని చేయడానికి కాదని రోజా, అమర్‌నాథ్ తదితరులు నిరూపిస్తున్నారు.
417201 131114Thank you for the excellent writeup. It in fact was a amusement account it. Look advanced to far added agreeable from you! However, how could we communicate? 312814
910449 763783Really good post, thanks a good deal for sharing. Do you happen to have an RSS feed I can subscribe to? 636077