Manchu Vishnu: మంచు విష్ణు (Manchu Vishnu) ప్రధాన పాత్రలో తెరకెక్కతున్న సినిమా ‘భక్త కన్నప్ప’. పాన్ ఇండియా స్థాయిలో తెరకెక్కుతున్న సినిమా ప్రస్తుతం న్యూజిలాండ్ లో చిత్రీకరణ దశలో ఉంది. ఇప్పుడీ సినిమాపై ఓ ఆసక్తికరమైన అప్డేట్ పంచుకున్నారు హీరో విష్ణు. సినిమా విడుదలకు ముందే కామిక్ బుక్ విడుదల చేయనున్నట్టు ప్రకటించారు.
ఓ వీడియోలో.. ‘కన్నప్ప ఫస్ట్ లుక్ కి చూపిన ఆదరణకు ధన్యావాదాలు. ఇంతకుముందు కన్నప్ప తరహా పాత్రలు చేయకపోవడంతో కాస్త కంగారుపడ్డా. భగవంతుని ఆశీస్సులతో ముందుకెళ్తున్నా. కన్నప్ప, శ్రీకాళహస్తి కథ చెప్పేందుకు ఆయనే నాకీ అవకాశం ఇచ్చాడని భావిస్తున్నా’.
‘కన్నప్ప కథ గురించి చాలామంది అడుగుతున్నారు. ఉత్తరాది వారికి అసలు తెలీదు. అందుకే మార్చి 19 నా తండ్రి పుట్టినరోజున కన్నప్ప కథను తెలియజేస్తూ ఫస్ట్ వాల్యూమ్ కామిక్ బుక్ విడుదల చేస్తున్నా. ప్రజలందరికీ చేరువయ్యేలా రూపొందించాం. పుస్తకం కావాలనుకున్నవారు ఇన్ స్టాలో మెసేజ్ పంపిస్తే మా టీమ్ మీకు అందిస్తారు. ఇందుకు ఎటువంటి రుసుము అవసరంలేద’ని అన్నారు.
View this post on Instagram