మాజీ కేంద్ర మంత్రి జైపాల్ రెడ్డి, తెలుగు నాట రాజకీయాల్లో ఓ సంచలనం. శారీరక వైకల్యం ఏనాడూ ఆయన్ని వెనక్కి లాగలేదు.. జీవితంలో ఒక్కో మెట్టూ పైకెదుగుతూ వచ్చారు. కాంగ్రెస్ పార్టీలో తిరుగులేని రాజకీయ శక్తిగా ఎదిగిన ఆయన ఒకప్పుడు కాంగ్రెస్కి వ్యతిరేకంగా నినదించిన విషయాన్ని ఎలా మర్చిపోగలం.? మిగతా విషయాలెలా వున్నా, తెలంగాణ రాష్ట్ర ఏర్పాటు వెనుక ఆయన పాత్ర చాలా చాలా ఎక్కువ.
ఒక్క మాటలో చెప్పాలంటే, జైపాల్ రెడ్డి లేకపోతే.. తెలంగాణ రాష్ట్రం సాధ్యమయ్యేది కాదు. కేంద్ర మంత్రిగా ఆ సమయంలో ఆయన ఆ స్థాయిలో చక్రం తిప్పారు. జైపాల్ రెడ్డి, తెలంగాణ ప్రాంతానికి చెందిన వ్యక్తి అయినా.. ఉమ్మడి ఆంధ్రప్రదేశ్లో అన్ని ప్రాంతాలూ ఆయనకి పరిచయమే. పార్టీలకతీతంగా రాజకీయ ప్రముఖులందరికీ ఆయన అత్యంత సన్నిహితుడు. ‘గురువు’ అని ఆయన్ని సంబోదించే రాజకీయ నాయకులు తెలుగునాట ఎంతోమంది కన్పిస్తారు.
తెలంగాణ సెంటిమెంట్ రగులుతున్న సమయంలో ‘నేను జాతీయ వాదిని’ అని ఆయన చెప్పుకోగలిగారంటే.. ఆయన ధైర్యం ఏపాటిదో అర్థం చేసుకోవచ్చు. అయితే, చివరి నిమిషంలో మాత్రం, జైపాల్రెడ్డి.. తన జన్మభూమి రుణం తీర్చుకునే క్రమంలో, సీమాంధ్ర కాంగ్రెస్ నేతల్ని ‘వెన్నుపోటు పొడిచారు’ అనే విమర్శని ఎదుర్కోవాల్సి వచ్చిందనుకోండి.. అది వేరే విషయం. ‘మీరిలా, ఓ ప్రాంతానికే పరిమితమైపోతారని అనుకోలేదు..’ అంటూ సీమాంధ్ర ప్రాంత నేతలు, జైపాల్ రెడ్డి వద్దనే విషయాన్ని కుండబద్దలుగొట్టేశారు.
అయితే, ‘ఇప్పుడు కాకపోతే ఇంకెప్పుడు.?’ అన్న ఆలోచనతోనే, ఆ క్షణంలో కఠిన నిర్ణయం తీసుకున్నాననీ, ఆ నిర్ణయం తెలంగాణతోపాటు, సీమాంధ్రకూ మేలు చేస్తుందని ఆయన చెప్పేవారు. సీమాంధ్ర నుంచి కాంగ్రెస్ అధిష్టానం దగ్గర పలకుబడి వున్న ఎందరో సీనియర్ నేతల్ని కాదని, జైపాల్రెడ్డి.. తెలంగాణ బిల్లు వైపుగా కాంగ్రెస్ అధిష్టానం ఆలోచనల్ని నడిపించడమంటే చిన్న విషయం కాదు.
కానీ, తెలంగాణ రాష్ట్ర ఏర్పాటు తర్వాత జైపాల్ రెడ్డిపై చాలా విమర్శలు తెలంగాణ నుంచే వచ్చాయి. తెలంగాణ కోసం ఎవరైతే, జైపాల్ రెడ్డి కాళ్ళు పట్టుకున్నారో.. వాళ్ళే ఆయన్ని తూలనాడారంటారు జైపాల్ రెడ్డి సన్నిహితులు. ఏదిఏమైనా, రాజకీయాల్లో ఓ శకం ముగిసింది. తెలుగునాట జైపాల్ రెడ్డి ఓ అద్భుతం. ఆయన లోటు పూడ్చలేనిది.
259929 238063I undoubtedly did not realize that. Learnt one thing new today! Thanks for that. 421593
969219 438693Thank you, Ive just been looking for info about this subject for a while and yours is the greatest Ive discovered till now. But, what in regards to the conclusion? Are you positive concerning the supply? 958430
986401 141553I appreciate your wp web template, where did you download it through? 363513
118663 317353I likewise conceive so , perfectly written post! . 447698