ఝాన్సీతో రకుల్‌ లిప్‌ లాక్‌.. ఏంటీ పైత్యం మన్మథా?

‘మన్మథుడు’ సినిమాలో ఎంత క్లీన్‌ కామెడీ వుంటుంది.? పొట్ట చెక్కలయ్యే కామెడీ మాత్రమే కాదు, హృదయాన్ని టచ్‌ చేసే సన్నివేశాలూ ఆ సినిమాలో వుంటాయి. నిజానికి ‘మన్మథుడు’ ఓ క్లాసిక్‌. కానీ, ‘మన్మథుడు-2’కి మాత్రం టీజర్‌ నుంచే నెగెటివిటీ షురూ అయ్యింది. సినిమాలో ఏముంది.? సినిమా సంగతేంటి.? అన్నది వేరే చర్చ. సోషల్‌ మీడియాలో మాత్రం, రకుల్‌ ప్రీత్‌ సింగ్‌ లిప్‌ లాక్‌ సీన్‌ వైరల్‌గా మారింది. అత్యంత దారుణంగా రకుల్‌ని ట్రోల్‌ చేస్తున్నారు నెటిజన్స్‌. అందుకు బలమైన కారణమూ లేకపోలేదు.

ఈ సినిమాలో రకుల్‌ ప్రీత్‌ సింగ్‌, లిప్‌ లాక్‌ సీన్‌లో నటించింది.. అది కూడా కో-స్టార్‌ ఝాన్సీతో. అసలేమయ్యింది రకుల్‌ ప్రీత్‌ సింగ్‌కి.? అన్నది చాలామంది సంధిస్తోన్న ప్రశ్న. ‘ఏం, హీరోతో లిప్‌ లాక్‌ చేస్తే మీరు తప్పుపట్టరా.?’ అని సిగరెట్‌ విషయంలో ఇచ్చినట్లే, కౌంటర్‌ స్టేట్‌మెంట్‌ రకుల్‌ ప్రీత్‌ సింగ్‌ ఇచ్చినా ఇవ్వొచ్చు. ఆమె ఆలోచనలు అంత అద్భుతంగా వుంటున్నాయి ఇటీవలి కాలంలో.

సినిమాలో డబుల్‌ మీనింగ్‌ డైలాగులు చాలా వున్నాయనీ, అవి అత్యంత జుగుప్సాకరంగా వున్నాయనీ పేర్కొంటూ సినిమా చూసొచ్చినోళ్ళు సోషల్‌ మీడియాలో ఏకిపారేస్తున్నారు. సినిమా రివ్యూలపై సినీ ప్రముఖులు అభ్యంతరాలు వ్యక్తం చేయడం ఇటీవలి కాలంలో చూస్తున్నాం. మరి, నెటిజన్స్‌ని కంట్రోల్‌ చేసేదెవరు.? ఛాన్సే లేదు. వారి అభిప్రాయం వాళ్ళు చెబుతున్నారంతే. రకుల్‌ – ఝాన్సీ లిప్‌ లాక్‌ సీన్‌ ఇప్పుడు సోషల్‌ మీడియాలో ట్రెండింగ్‌గా మారుతోంది. ‘లెస్బియన్‌ యాక్ట్‌’ అంటూ రకుల్‌ ప్రీత్‌ సింగ్‌ మీద సెటైర్లు వేసేస్తున్నారు.

అసలే ఆమెకి సోషల్‌ మీడియాలో హేటర్స్‌ చాలా ఎక్కువ. దానికి తోడు, చిన్మయి ఫ్యాక్టర్‌ కూడా తోడయ్యిందిక్కడ. చిన్మయి భర్త రాహుల్‌ రవీంద్రన్‌ ఈ సినిమాకి దర్శకుడు. సోషల్‌ మీడియా వేదికగా నీతులు చెప్పే చిన్మయి, సినిమాలో బూతుల వ్యవహారంపై ఏం సమాధానమిస్తుందని నెటిజన్లు ఆమె పేరునీ ట్యాగ్‌ చేసి క్వశ్చన్‌ చేస్తున్నారు. ‘ఏం, వయసు మీద పెడితే ముద్దు పెట్టకూడదా.?’ అని ఇంటర్వ్యూలో నాగ్‌ తెలివిగా ప్రశ్నించాడుగానీ.. సోషల్‌ మీడియాలో ఇప్పుడు దూసుకొస్తున్న ప్రశ్నలకి ఏం సమాధానమిస్తాడో ఏమో.!